Divisheni ya Kilimo, Mifugo na Uvuvi

SEKSHENI YA KILIMO

Uzalishaji wa Mazao ya Chakula na Biashara kwa kipindi cha Miaka mitatu 2019/2020  2021/202.

Halmashauri ya Mji Tunduma ina jumla ya Watu Takribani 159,489 Wanao Hitaji Jumla ya Tani 47,882.4 za Mazao ya Chakula ya Nafaka na Tani 15,960.8 za mazao ya Mikunde kwa Mwaka, Katika kipindi cha miaka mitatu 2019/2020, 2020/2021 na 2021/2022 Halmashauri imeendelea kuzalisha kwa tija mazao ya chakula pamoja na biashara Hivyo Kujihakikishia usalama wa chakula na kukuza uchumi wa wananchi.

Jedwali Na 1:  Hali ya uzalishaji kwa mazao ya chakula na Biashara kwa mwaka 2019/2020 hadi 2021/2022

MAZAO YA CHAKULA (NAFAKA NA MIKUNDE)

MAZAO YA BIASHARA.

Huduma za Ugani 

Halmashauri ya Mji Tunduma inahitaji Maafisa ugani 55 ili waweze kutoa huduma bora za ugani kwa wakulima. Watumishi waliopo ni 21 na upungufu ni 34, Halmashauri inaendelea kuomba kibali cha ajira ili kupunguza tatizo hili la upungufu wa maafisa ugani, aidha Halmashauri imefanikiwa kununua na Kuwapatia Maafisa Ugani Jumla ya Pikipiki 7.

Usambazaji wa Pembejeo za Kilimo 

Kwa msimu wa Mwaka 2021/2022 Halmashauri ya Mji Tunduma ilihitaji Tani 1,549 za mbolea za Kupandia, Tani 1,554 za Mbolea za kukuzia, Tani 1,434 za mbolea ya kuzalishia , Tani 279 za mbegu za Mahindi, Tani 0.3  za Mbegu za Mtama, Tani 2 za Mbegu ya za Mpunga, Tani 83 za Mbegu za Maharage na Tani 0.9 za Mbegu za Alizeti. Wadau mbalimbali wa Kilimo ikiwemo wauza Pembejeo waliendelea kuhamasishwa Kuagiza na Kuuza pembejeo za Kilimo zilizo Bora. Upatikanaji wa Pembejeo ulikua ni mzuri japo Mbolea za Viwandani zilikua zikiuzwa kwa Bei ghari, kati ya Tsh 110,000 hadi 120,000 kwa Mbolea ya Kupandia (DAP) na Tsh 100,000 hadi 105,000 kwa Mbolea ya Kukuzia kulinganisha na msimu wa 2020/2021, aidha Matumizi ya Mbolea ya Samadi yaliendelea kusisitizwa kwa Wakulima Ili kupunguza Gharama za uzalishaji.

Jedwali Na 2. Wastani wa Bei za Mbolea za Kupandia na Kukuzia Kwa Kipindi 2021/2022.

SEKSHENI YA MIFUGO

Halmashauri ya Mji Tunduma katika Seksheni ya mifugo imeendelea kutoa huduma za ugani kwa wafugaji ili kuongeza uzalishaji wa mifugo na mazao yake kwa kutoa chanjo za mifugo, kutoa elimu ya ufugaji wenye tija pamoja na matibabu ya mifugo kulingana na idadi ya maafisa ugani waliopo na vitendea kazi vilivyopo ambapo katika eneo lote la utekelezaji, Kata zilizo na mifugo mingi ni Chiwezi, Mpande, Mpemba, Katete na Chipaka.

IKAMA YA WATUMISHI KATIKA SEKSHENI YA MIFUGO NA UVUVI

3.2 IDADI YA MIFUGO

CHANJO ZILIZOTOLEWA KWA KIPINDI CHA MWAKA 2019/2022

 VIKUNDI VYA WAFUGAJI WA NG’OMBE WA MAZIWA, UNUNUZI NA UUZAJI WA NG’OMBE.

Katika Halmashauri ya Mji Tunduma, ufugaji wa ndani (Zero grazing) umekuwa ukisisitizwa kwa kiasi kikubwa ambapo utekelezaji wake unafanyika kwa kuunda vikundi vya ufugaji wa ng’ombe wa maziwa.

Hamashauri kwa kuona umuhimu wa ufugaji wa ndani na utunzaji wa mazingira, imekuwa ikiwezesha vikundi hivyo kwa kuwapatia mkopo kipitia 10% ya mapato ya ndani.

Vikundi hivyo ni kama ifuatavyo: -

SEKSHENI YA UVUVI

Katika Halmashauri ya Mji Tunduma, shughuli za Uvuvi zimejikita zaidi katika biashara ya Samaki na dagaa wanatoka nje ya Mkoa wa Songwe.  Halmashauri katika kuwaweka pamoja wafanyabiashara wa Samaki na dagaa imetoa eneo katika kata ya Majengo na Kata ya Maporomoko ambayo bado yapo katika mpango wa kuelendelezwa.

ELIMU YA UFUGAJI WA SAMAKI

Elimu ya ufugaji bora wa Samaki na uchimbaji wa mabwawa ya kufugia samaki imeendelea kutolewa ambapo hadi kufikia sasa idadi ya mabwawa yaliyochimbwa na kupandikizwa Samaki ni mabwawa Matano (5).

IDADI YA MABWAWA, SAMAKI WALIOPANDIKIZWA NA MAHALI YALIPO

MAFANIKIO KATIKA UTEKELEZAJI WA SHUGHULI ZA DIVISHENI YA KILIMO, MIFUGO NA UVUVI.

Kwa kipindi cha Mwaka 2021/2022 Divisheni ya Kilimo Mifugo na Uvuvi imefanikiwa Kutekeleza Mambo yafuatayo

• Ukarabati wa Soko la Mazao kwa Kumwaga zege barabara yenye Urefu wa Mita 250 na upana wa Mita 7 Kwa Thamani ya Tsh. 150,000,000/=
• Kushiriki Maonyesho ya Nanenane Kitaifa katika Uwanja wa JohnMwakangale Mbeya na Kumpata Mshindi wa Kimkoa wa Kilimo cha zao la Mahindi ndugu Furaha Mwakambenga Mkulima Kutoka Kata ya Chiwezi.
• Kusimamia Utekelezaji wa Malengo 2021/2022 ambapo Jumla ya Tani 57,945 za Mazao ya Chakula (Nafaka) Zimezalishwa na kuifanya Halmashauri kuwa na Ziada ya Chakula tani 10,006.
• Upimaji wa Afya ya Udondo kwa Wakulima Ndani ya Kata za Uzalishaji.
• Kutoa Elimu kwa Wakuliam Kupitia Mashamba Darasa, Jumla ya Mashamba Darasa 44 ya Mazao ya Soya, Mahindi na Alizeti yaliweza Kuandaliwa.
• Katika Kuboresha Huduma za Ugani Halmashauri imefanikiwa kununu jumla ya Pikipiki 3 na kuzikabidhi kwa maafisa Ugani.
• Ukarabati wa Machinjio ya Ng’ombe na Nguruwe jumla ya Tsh. 10,000,000/= Kutoka mapato ya Ndani zimeweza kutumika.
• Udhibiti wa Magonjwa ya Mlipuko ikiwemo kimeta, Homa ya Nguruwe, Chambavu, kichaa cha Mbwa na Kideri/Mdondo kwa Mifugo.
• Kuongezeka kwa Vikundi vya Vijana katika Shughuli za Uzalishaji za Kilimo na Mifugo kupitia 10%.