BARAZA LA MADIWANI TUNDUMA LAMZAWADIA TUZO DIWANI BORA

Imewekwa : November 1st, 2022

Baraza la madiwani Tunduma lamtunuku cheti cha Pongezi Diwani wa Kata ya Chapwa kwa kujitolea na kusimamia miradi ya maendeleo

Cheti hicho kimetolewa na Mkuu wa Wilaya ya Momba Mhe. Fack Lulandala kwa Mhe. Amos Jackson Siame Diwani wa kata ya chapwa kwa mchango wake mkubwa katika kusimamia miradi ya maendeleo

“Diwani Siame ni mchapakazi sana, na ninawapongeza sana madiwani wote wa Tunduma kila linapokuja suala la maendeleo wote mmekuwa kitu kimoja na ndiomaana leo Tunduma inakimbia kwa kasi katika maendeleo” alisema DC Lulandala

Ninawapongeza pia kwa mahusiano mazuri kati ya Baraza la Madiwani, Chama cha mapinduzi na Serikali nimazuri sana ninawashuku sana

Leo tunatoa cheti cha pongezi kwa Diwani wa kata ya chapwa kwa namna ambavyo ameshiriki katika kuhamasisha wananchi na kujitoa yeye mwenyewe katika ujenzi wa kituo cha Afya Chapwa. Mhe. Siame ametuonyesha dira kuwa ukiwa kiongozi unatakiwa kutangulia mbele ili wananchi wako wakufuate katika kutekeleza miradi ya maendeleo

“Kila tulipofika katika eneo la ujenzi wa kituo cha Afya chapwa viongozi mbalimbali wa chama na serikali toka ngazi ya Wilaya, Mkoa na Taifa wamekuwa wakimpongeza Mhe. Amos Siame kwa Uchapakazi hodari na mwenye kujitoa kwa wananchi na kata yake, Hongera sana” _ DC Lulandala

Akiongea baada ya kupewa Cheti cha Pongezi Diwani wa Kata ya Chwapwa Mhe. Amos Siame amelishukuru sana Baraza la Madiwa la Halmashauri ya Mji Tunduma kwa kuutambuia mchango wake katika kuwa mstari wa mbele kwenye miradi ya maendeleo

“Nimefurahi sana kuona madiwani wenzangu wameguswa na kujitoa kwangu katika miradi ya maendeleo hususani kituo cha Afya Chapwa ambacho kinajengwa kwa kutumia mapato ya ndani, haikuwa rahisi kuwaunganisha watu wenye vyama tofauti na itikadi tofauti na sote kuwa kitu kimoja katika kutekeleza miradi ya maendeleo. Sasa chapwa ni mpya na huu ni mwanzo tuu” alisema Mhe. Siame

Katika kutekeleza majukumu ya kila siku kuna watu amabao bado walikuwa hawaamini kama Kata ya Chapwa tutafanikiwa katika ujenzi wa kituo cha Afya leo wamekuwa mashuhuda kwa kila mtu kumbe tukiamua kwa pamoja tunawa

Mhe. Siame Amekuwa Diwani wa kwanza kutunukiwa cheti cha pongezi kwa kujitoa kwake katika utekelezaji wa miradi ya maendeleo ndani ya Halmashauri ya Mji Tunduma