BILIONI 14.27 KUTUMIKA KUJENGA MIRADI KUMI YA MAJI MKOA WA SONGWE

Imewekwa : February 22nd, 2023

Zaidi ya Tsh. BILIONI 14.27 zasainiwa na wakandarasi kukamilsha miradi kumi (10) ya maji katika Halmashauri za Mkoa wa Songwe kutatua changamoto ya ukosefu wa maji katika baadhi ya maeneo ya mijini na vijiji.

Awali Mkuu wa mkoa wa Songwe Waziri Kindamba akieleza Hali ya upatikanaji alisema upatikanaji wa maji kwa mkoa wa Songwe mpaka hivi sasa ni asilimia 78.8 , na kueleza kuwa ifikapo mwezi desemba upatikanaji wa maji baada ya miradi Hiyo kukamilika itakuwa asilimia 86.

" Mikataba hii (10) yenye thamani ya shilingi bilioni 14.27 kufikia mwezi desemba vijiji visivyo na maji vitakuwa vimebakia 50 tu kutoka vijiji 86 hivi sasa ambavyo havina huduma ya maji katika Halmashauri zote za mkoa wa Songwe " alieleza Mkuu wa Mkoa

Kindamba amewataka wakandarasi waliosaini mikata kwenda kufanya Kazi na kukamilsha miradi Hiyo kwa muda uliopangwa Ili Wananchi waanze kupata huduma ya maji ambayo ni adhaa kubwa.

Alisema wakandaras ambao wanaona hawatafanikiwa kutekeleza mikataba na na kusimamia miradi Hiyo ya Serikali ni bora wasisaini kwa kuwa , wakikiuka mashariti watachukuliwa Sheria Kali , ikiwa ni pamoja na kuvunjiwa mikataba yao.

" Miradi hii Mkuu wa Wilaya atafuatilia na mimi ntasimamia na nitakuwa mkali kwa wale wote watao kiuka na kushindwa kusimamia miradi , nendeni mkatoe ushirikiano kwa viongozi wote kuanzia ngazi za vijiji mpaka ngazi ya mkoa" alisema Kindamba