DC Kihongosi: Zingatieni Usafi Kuepuka Kipindupindu

Imewekwa : January 16th, 2024

Benton Nollo na Shadida Salum, TTC

Mkuu wa Wilaya ya Momba, Mhe. Kenani Kihongosi amewaasa wakazi wa Tunduma kuzingatia kanuni za usafi ili kujikinga dhidi ya Ugonjwa wa Kipindupindu ambao umethibitika kuwepo katika baadhi ya mikoa nchini ikiwemo Mwanza.

Mhe. Kihongosi ametoa rai hiyo alipokuwa akizungumza na Wananchi, Wafanyabiashara na Wajasiriamali kwenye Kituo Kikuu cha Mabasi Tunduma wakati wa ziara yake ya kusikiliza kero za Wananchi tarehe 16 Januari 2024.

Kihongosi amewataka Wananchi kuzingatia usafi ili kuepuka kipindupindu kwa kuchemsha maji ya kunywa, kunawa mikono kwa maji safi yanayotiririka na sabuni kabla ya kula kitu chochote na baada ya kutoka chooni, kuweka mazingira ya nyumba na choo katika hali ya usafi wakati wote, kuandaa chakula katika mazingira safi na salama, kuacha kula hovyo mitaani vyakula vilivyoandaliwa katika mazingira machafu na kuacha kutiririsha maji machafu hovyo mitaani.

“Mpaka leo Tunduma hatuna kesi ya Kipindupindu ambayo imeripotiwa lakini mwenzako akinyolewa wewe tia maji nywele zako, ni lazima tuchukue tahadhari mapema ili tuweze kuepuka ugonjwa huu” Amesema Mhe. Kihongosi.

Katika hatua nyingine DC Kihongosi amewahamasisha wazazi kutimiza wajibu wao kwa kuwapeleka watoto shule hasa wale wa Awali, Darasa la Kwanza na Kidato cha Kwanza kwa kuwa tayari shule zimeshafunguliwa na masomo yameanza.

“Ndugu zangu wananchi nitoe wito, pelekeni watoto shule…hata kama hana sare wewe mpeleke, tutafanya utaratibu wa kupita shuleni kuangalia watoto ambao walipangiwa lakini mpaka sasa hawajaripoti na tutashuhulika na wazazi wao” Amesema Kihongosi.

Naye Mkurugenzi wa Halmashauri ya Mji Tunduma, Mariam Chaurembo amesisitiza kuwa michango ya hiari ambayo wazazi wakubaliana kwenye vikao vyao pamoja na uongozi wa shule kuhusu kuchangia chakula cha watoto wakiwa shuleni, isiwe chanzo cha baadhi ya watoto kufukuzwa ama kutopokelewa kuanza masomo shuleni kwa kuwa wazazi wao hawajachangia.

“Kwa kuzingatia muda mwingi ambao watoto wanautumia shuleni suala la chakula ni la muhimu hivyo, kupita Maafisa Maendeleo ya Jamii, Waheshimiwa Madiwani na Watendaji Kata na Mitaa tutaendelea kutoa elimu kwa wazazi kuchangia chakula hasa kipindi cha mavuno.” Amesema Chaurembo.

Mkuu wa Wilaya ya Momba, Mhe. Kenani Kihingosi amefanya mkutano huoo maalum kwa ajili ya kusikiliza na kutatua kero mbalimbali zinazowakabili Wafanyabiashara, Wajasiriamali na Wananchi kastika Kituo Kikuu cha Mabasi Tunduma kilichopo eneo la Mpemba.

Matukio katika Picha:

Mkuu wa Wilaya ya Momba, Mhe. Kenani Kihongosi akizungumza na Wananchi, Wafanyabiashara na Wajasiriamali mbalimbali kwenye Kituo Kikuu cha Mabasi Tunduma wakati wa ziara yake ya kusikiliza kero za Wananchi tarehe 16 Januari 2024.

Mwenyekiti wa Halmashauri ya Mji Tunduma, Ayubu Mlimba akizungumza na Wananchi, Wafanyabiashara na Wajasiriamali mbalimbali kwenye Kituo Kikuu cha Mabasi Tunduma wakati wa ziara ya Mkuu wa Wilaya ya Momba ya kusikiliza na kutatua kero za Wananchi tarehe 16 Januari 2024.

Mkurugenzi wa Halmashauri ya Mji Tunduma, Mariam Chaurembo akijibu baadhi ya maswali yaliyoulizwa na wananchi kwenye Mkutano wa kusikiliza kero zao uliofanyika kwenye Kituo Kikuu cha Mabasi Tunduma  wakati wa ziara ya Mkuu wa Wilaya ya Momba ya kusikiliza na kutatua kero za Wananchi tarehe 16 Januari 2024.

Wananchi wakiuliza maswali wakati wa Mkutano wa kusikiliza kero zao uliofanyika kwenye Kituo Kikuu cha Mabasi Tunduma  wakati wa ziara ya Mkuu wa Wilaya ya Momba ya kusikiliza na kutatua kero za Wananchi tarehe 16 Januari 2024.

Viongozi na baadhi ya Wataalam wakijibu maswali yaliyoulizwa na wananchi kwenye Mkutano wa kusikiliza kero zao uliofanyika kwenye Kituo Kikuu cha Mabasi Tunduma  wakati wa ziara ya Mkuu wa Wilaya ya Momba ya kusikiliza na kutatua kero za Wananchi tarehe 16 Januari 2024.

Wananchi wakiwa kwenye Mkutano wa kusikiliza kero zao uliofanyika kwenye Kituo Kikuu cha Mabasi Tunduma  wakati wa ziara ya Mkuu wa Wilaya ya Momba ya kusikiliza na kutatua kero za Wananchi tarehe 16 Januari 2024.

Mkuu wa Wilaya ya Momba, Mhe. Kenani Kihongosi (katikati), baadhi ya Wajumbe wa Kamati ya Ulinzi na Usalama ya Wilaya hiyo na Mwenyekiti wa Halmashauri ya Mji Tunduma, Ayubu Mlimba wakiwasikiliza Wananchi, Wafanyabiashara na Wajasiriamali mbalimbali kwenye Kituo Kikuu cha Mabasi Tunduma wakati wa ziara yake ya kusikiliza kero za Wananchi tarehe 16 Januari 2024.

Mkuu wa Wilaya ya Momba, Mhe. Kenani Kihongosi akikagua miundombinu kwenye Kituo Kikuu cha Mabasi Tunduma mara baada ya kumaliza mkutano wa kusikiliza kero za Wananchi uliofanyika kituoni hapo tarehe 16 Januari 2024.