DC LULANDALA AENDELEA KUKEMEA MMOMONYOKO WA MAADILI

Imewekwa : June 1st, 2023

Na William Maganga - Tunduma TC

Mkuu wa Wilaya ya Momba Mhe. Fack Lulandala amasema katika Wilaya yake ya Momba hahitaji shirika lolote linalojihusisha na shughuli yoyote ya ndoa za Jinsia Moja.

Mh. Lulandala ameyasema halo Leo katika kikao Cha kupokea taarifa toka katika mashirika na taasisi zisizo za kiserikali zinazofanya shughuli zake ndani ya Wilaya ya Momba

"Lazima nijue Shirika lako linajihusisha na nini, chanzo cha fedha za Shirika, Shughuli kuu za Shirika, na walengwa/wanufaika wa Shirika husika ili kuendelea kufuatilia kama shirika linafuata misingi, sheria na taratibu za nchi" alisema DC Lulandala

Serikali yetu ya Jamhuri ya Muungano wa Tanzania inapinga na kukataza mambo yote ambayo ni kinyume na maadili pia Sheria zetu za nchi zinapinga hayo kwahiyo na Mimi kama mwakilishi wa Rais katika Wilaya hii naungana na Serikali ya awamu ya sita kupinga Ushoga, Usagaji na ndoa za Jinsia Moja

Mhe. Lulandala amesema kuwa kama Serikali hatuhitaji kulemba kwenye uvunjwaji wa maadili ya watanzania kwani tukilembeana hapa tutakuwa na vijana wengi ambao sio tegemeo la taifa na kufanya kukosekana kwa nguvukazi ya taifa letu pendwa la Tanzania

Kwa upande wake Kaimu Mkurugenzi wa Halmashauri ya Mji Tunduma ambaye pia ni Mkuu wa Divisheni ya Maendeleo ya Jamii Bi. Mwanaisham Shemaghembe amesema kuwa ufuatiliaji unaendelea na Elimu kwa umma juu ya kupinga kila aina ya vitendo vinivyoashiria kuleta mmomonyoko wa maadili katika Taifa

Tutakuja kutembelea Kila Ofisi na sehemu za kutolea Huduma na kuwahoji wanufaika wa Kila Shirika

Katika kikao hicho mashirika yaliyohudhuria ni Action for Development Programs (ADP-MBOZI), North Star Alliance, Pescode, Integrated Development Organization (IRDO), Gender and Social Reform Organisation (GSRO) na Restless Development