DC Mwandobo Ahimiza Wananchi Kujiandikisha, Kuchangamkia Mikopo

Imewekwa : October 19th, 2024

Na Benton Nollo, TTC

Mkuu wa Wilaya ya Momba, Mhe. Elias Mwandobo amewahimiza Wananchi wa Kata za Mpemba, Chapwa na Majengo katika Halmashauri ya Mji Tunduma  kutumia muda uliobaki kujiandikisha kwa ajili ya kushiriki Uchaguzi wa Serikali za Mitaa utakaofanyika tarehe 27 Novemba 2024.

Mwandobo ametoa wito huo alipokuwa akizungumza kwa nyakati tofauti na Wananchi katika maeneo hayo kupitia mikutano iliyofanyika katika Soko Dogo la Mpemba (Kata ya Mpemba), Chapwa Stendi (Kata ya Chapwa) na Soko la Mazao (Kata ya Majengo) tarehe 19 Oktoba 2024.

DC Mwandobo amesema zoezi la uandikishaji limeanza tangu tarehe 11 Oktoba 2024 na litahitimishwa tarehe 20 Oktoba 2024 ambapo vituo vya kujiandikisha vinafunguliwa kuanzia saa 2:00 asubuhi na kufungwa saa 12:00 jioni.

Aidha, Mhe. Mwandobo ameendelea kuwakumbusha Wananchi wa Mji wa Tunduma hasa Wanawake, Vijana na Wenye Ulemavu kujitokeza kuomba mikopo ya Asilimia Kumi (10%) ambayo dirisha la uotoaji wa mikopo hiyo tayari lineshafumguliwa.

"Mikutano ya uhamasishaji tayari imeshafanyika na mpaka sasa pale Halmashauri zipo shilingi bilioni 4.3...fedha hizi zipo na ni zenu" Amesema Mwandobo na kuongeza;

"Serikali imeboresha utoaji wa mikopo hii, hivi sasa umri kwa vijana umeongezeka kutoka miaka 18 hadi miaka 45  wakati awali ukomo ulikuwa miaka 35."

Matukio katika Picha: