FUNDI MKUU APEWA SIKU 14 KUMALIZA UJENZI WA SOKO LA MACHINGI AWAMU YA KWANZA

Imewekwa : February 27th, 2023

Mkurugenzi wa Halmashauri ya Mji Tunduma Ndugu Philemon Magesa amempatia siku kumi na nne fundi mkuu Lusekelo Kijalo anayejenga soko la machinga katika kata ya Majengo kuwa awe amemaliza na kukabidhi mradi huo

Mkurugenzi Mgesa ameamua kutoa siku hizo baada ya kuona kasi ya ujenzi hairidhishi wakati mahitaji yote ya fundi yapo katika eneo la Mradi.

“Ninakupatia siku 14 tuu uwe umekabidhi laasivyo navunja mkataba na wewe kwani umekuwa ukisingizia vitu vingi kuwa havijaletwa lakini vipo katika stoo ya soko ila wewe hutaki kuweka vibarua wengi wakati pesa tunakulipa” alisema Mkurugenzi Magesa

Pia katika kuhakikisha usimamizi wa kazi unakuwa bora mkurugenzi amemuagia Fundi huyo kuhakikisha anashinda yeye mwenyewe katika mradi huku akiwasimamia vibarua wake kujenga muda wote usiku na mchana na kuhakikisha soko hilo linakamilika kwa wakati

“Tumekufungia taa ambazo unaweza kutekeleza mradi hadi usiku lakini hufanyi hivyo hiyo ni kinyume na mkataba wetu sasa ndani ya wiki mbili tunataka kuoa kazi zikifanyika usiku na mchana ili walengwa wa soko waanze kulitumia” alisisitiza Mkurugenzi Magesa

Kwaupande wake Msimamizi wa Miradi ya Halmashauri Mhandisi Tinga Ally amemwambia Fundi huyo kuwa japokuwa amepewa siku 14 kukamilisha yeye ataendelea kufuatilia kila hatua ili mradi usijengwe chini ya kiwango

“Mimi kila siku lazima niwepo kuhakikisha ubora wa kazi inayofanyika unaendana na thamani ya pesa, ikitokea unaharibu sehemu basi jua utakamilisha kwa gharama zako mwenyewe bila kuongezewa fedha wala vifaa toka Halmashauri” alisisitiza Mhandishi Tinga

Fundi Lusekelo Kijalo amekubali kukamilisha mradi huo kwa siku alizopewa na mkurugenzi na kusema kuwa atahakikisha ujenzi huo anaumaliza haraka kama inavyotakiwa