HITILAFU YA UMEME CHANZO CHA AJALI YA MOTO SOKO LA* *MANZESE, RC MGUMBA AMEIAGIZA TANESCO KUPITIA MFUMO WA MASOKO YOT.*

Imewekwa : November 27th, 2021

*TUNDUMA:* Hitilafu ya Umeme chanzo chanzo cha ajali ya moto uliotokea Novemba 16, katika Soko la Manzese na kupelekea Maduka 46 kuteketea kwa moto.

Mkuu wa Mkoa wa Songwe, Mhe. Omary Mgumba amesoma taarifa ya Timu aliyounda mbele ya wafanyabiashara wa Mji wa Tunduma ambao waliathirika na moto.

Akisoma taarifa ya uchunguzi Mkuu wa Mkoa amesema Timu imegundua wateja waliounganishiwa Umeme na TANESCO wamekiukwa mkataba kama vile kujiunganishia Umeme kiholela wateja 13 tu ndio walikuwa na mkataba na wengine walijiunganishia kiholela.

Wateja wametumia nyaya tofauti mfano wametumia 2.5mm badala ya waya za 4 hadi 6mm katika sehemu za swichi soketi, nyaya za taa zimepelekwa kwa maeneo yanayotumia Umeme mkubwa.

Wateja kuchanganya kiholela mifumo ya umeme kati ya wa nguvu za jua (Solar) na wa TANESCO bila kufuata taratibu sahihi za kutumia mifumo hiyo 2 na pale mfumo moja kutozimwa pale unapotumika mwingine.

Kuunganisha vifaa vingi vya umeme sehemu moja bila kuzingatia mahitaji na uwezo wa vifaa vinavyotumika, mfano wateja 4 walibainika kujiunganishia Umeme kupitia mita 1 na waliunga zaidi ya taa 55 zenye ukubwa Wati 20 kila moja ambapo matumizi ya nyaya hayakuzingatiwa.

"Hata hivyo baada ya timu kufanya mahojiano na baadhi ya wafanyabiashara imegundulika kuliwai kutokea  Hitilafu kama hii lakini ulidhibitiwa mapema na TANESCO na Jeshi la Zimamoto" Omary Mgumba.

SABABU ZA MOTO KUSAMBAA

Mkuu wa Mkoa ameeleza kuwa Timu imebaini moto ulisambaa kwa haraka kwa sababu zifuatazo.

Bidhaa nyingi zilizokuwepo sokoni ni nguo ambazo ni rahisi kushika moto kwa haraka

Ujenzi wa Nyumba ulikuwa na matumizi ya vitu ambavyo ni rahisi kushika moto kwa haraka, mfano PCV na NK.

Matumizi ya Gebo za majengo hayakuzingatia ili kutenganisha Kuta kwa mpangilio mzuri.

Hazikufanyika Jitihada za mapema na za haraka kufikisha taarifa ya moto kwa Mamlaka zinazohusika.

Kukosekana kwa gari la Zimamoto katika eneo la tukio, gari ya Tunduma ilikuwa kwenye matengenezo Mbeya.

Kushikamana kwa mapaa ya Nyumba

ATHARI ILIYOPATIKANA NA AJALI YA MOTO

Timu imebaini athari iliyobainika ni kuwa Jengo lililoungua halipaswi kukarabatiwa kwa kuwa limearibika sana kinachotakiwa ni kujenga upya.

Thmani ya jengo ni Milioni 123 ukiondoa Ardhi kwa kuwa Ardhi bado ipo na bidhaa zilizoteketea zinakadiriwa za  Milioni 475 na kufanya jumla Kuu Milioni 598.

HATUA AMBAZO SERIKALI INACHUKUA KUEPUSHA MAJANGA.

Barabara zote zilizofungwa zifubguliwe ndani ya mwezi moja, wale waliojenga kwenye Barabara wabomoe kwa gharama zao na hiari yao ikija kobomoa Serikali watalipa gharama izo za ubomoaji.

Halmashauri ya Mji wa Tunduma ipange aina moja ya Biashara katika sehemu moja na sio kuchanganya

Kuepo na Timu ya pamoja ya ukaguzi wa Nyumba za Makazi na Biashara ili kuepuka kujenga Nyumba sehemu ambayo sio sahihi.

TANESCO wapitie upya mfumo wote wa Umeme katika Soko la Manzese

Mapaa yaliyounganishwa na Nyumba zilizounganishwa zitenganishwe kwani Nyumba na Nyumba lazima uache uchochoro na wote waliojenga kwenye uchochoro wabomoe vibanda vyao.

Halmashauri ya Mji wa Tunduma na Jeshi la Zimamoto pamoja na Mamlaka nyingine wajenge visima vya Maji katika masoko na mikusanyiko ili majanga yanapotokea basi maji yanakuwepo.

Serikali kuongeza gari kubwa la Zimamoto hapa Tunduma kwa kuwa Mji wa Tunduma unakuwa sana kibiashara.

Viongozi wa masoko waache mara Moja tabia ya kuajili walinzi ambao hawajapitia mafunzo yoyote ya ulinzi kama vile Mgambo au JKT.

Pia Kampuni zinazopewa kazi za kulinda masoko lazima ziwe zinafuata kanuni, taratibu, sheria na mikataba waliyoingia na vyombo vyetu vya Usalama.

Wafanyabiashara wanakumbushwa kuzima vifaa vyote vya umeme pale wanapokuwa wanafunga ofisi zao kwa kuwa inahisiwa kuwa moto ulianza kwenye chumba cha kuuza simu na kunawezekano vifaa viliachwa bila kuzimwa

Serikali iendelee kuondoa vyumba vilivyoingia kwenye Barabara ya MIAMI Ili iweze kupitika kutoka sehemu moja kwenda nyingine

TANESCO itoe elimu kwa wafanyabiashara wote wa masoko ili waweze kupata ufahamu na uelewa pale majanga yanapotokea