Jamii Yahimizwa Kuchanja Watoto Chanjo ya Polio

Imewekwa : November 2nd, 2023

Jamii imetakiwa imetakiwa kuhakikisha Watoto chini ya miaka nane (8) wanapatiwa Chanjo ya Polio ili kujikinga na Ugonjwa wa Polio ambao unasababisha ulemavu wa kudumu.

Rai hiyo imetolewa na Mkuu wa Divisheni ya Usimamizi wa Rasilimali Watu na Utawala Halmashauri ya Mji Tunduma, Selemani Kateti alipokuwa akizungumza kwa niaba ya Mkurugenzi wa Halmashauri hiyo wakati wa uzinduzi wa zoezi la Kampeni ya Chanjo ya Polio ya Matone Awamu ya Pili uliofanyika katika Kituo cha Afya Tunduma tarehe 02 Novemba 2023.

Kateti amesema chanjo hiyo ni salama hivyo wazazi au walezi wasiwe na wasiwasi na inatolewa kwa watoto chini ya miaka nane kwa mikoa sita nchini ya Kagera, Kigoma, Katavi, Rukwa, Songwe na Mbeya na inafanyika kuanzia tarehe 02 hadi tarehe 06 Novemba 2023 kwa Awamu ya Pili.

“Ndugu zangu niseme tu mtoto ambaye hajachanjwa yupo kwenye hatari zaidi kuliko aliyechanjwa…ndugu Wananchi niwakumbushe tu kwamba ona raha ukiwa na mtoto mwenye afya njema na yupo salama na makuzi yake yanaenda vizuri, ikitokea mtoto wako ana changamoto yoyote furaha ya familia inaondoka lakini pia gharama ya malezi ya mtoto inakuwa kubwa sana.” Amesema Kateti.

Akizungumza awali, Mkuu wa Divisheni ya Afya, Ustawi wa Jamii na Lishe Halmashauri ya Mji Tunduma, Dkt. Enock Mwambalasa amesema Halmashauri ya Mji Tunduma imelenga kuchanja Watoto 77,001 katika awamu hiyo ya pili.  

Matukio Katika Picha: