KIJANISHA TUNDUMA KWA UMOJA NA MSHIKAMANO

Imewekwa : December 2nd, 2022

Halmashauri ya Mji Tunduma ipo katika harakati za kuifanya Tunduma kuwa ya kijani kwa kuanzisha kampeni ya kupanda miti kila kaya na taasisi zote ndani ya Mji wa Tunduma

Katika kutekeleza adhima hii ya kuifanya Tunduma kuwa ya Kijani kuna kaulimbiu inayolenga kuongeza ari na morali kwa wananchi wote wa Tunduma katika kuunga mkono zoezi hili la kupanda miti

Kauli mbiu inasema “Kijanisha Tunduma kwa Umoja na Mshikamano” kaulimbiu hii ni mahususi kwa ajili ya kuifanya Tunduma kuwa mahali sahihi yenye miti mingi ya vivuli na matunda

Mkurugenzi wa Halmashauri ya Mji Tunduma Philemon Magesa amesema Tunduma imejipanga katika kuhakikisha inakuwa tofauti na ilivyo sasa kwani vimbunga na upepo mkali umekuwa ukiikumba Tunduma mara kwa mara

“Matarajio yetu baada ya miaka mitano ni kuiona Tunduma ya kijani, tumeamua sisi kama Halmashauri kuzalisha miche ya miti Milioni mbili (2,000,000) na kuigawa bure katika Taasisi za umma na wananchi wote. Miti hii itakuwa inapatikana katika vituo mbalimbali ndani ya Mji wa Tunduma ikiwemo Kitalu cha Halmashauri kitichopo DANIDA, Shule za Sekondari na Msingi Pamoja na Ofisi za Watendaji wa Kata” alisema Mkurugenzi Magesa

Katika Hatua ya kuhakikishi miti iliyozalishwa na Halmashauri inatunza na wanachi ambao wanapewa bure Mkurugenzi Magesa ameleza kuwa Afisa Maliasili na Utalii Pamoja na watumishi wa kitengo hicho wapo mtaani kila siku wakielekea jinsi ya kupanda na kutunza Miti kitaalamu ili hata kipindi cha kiangazi miti isikauke kwa jua

Kwa upande wake Kaimu Mkuu wa kitengo cha Maliasili na Utalii Zawadi Mwapashe alieza kuwa anawaelekeza wananchi kutumia mfumo wa kisasa kabisa katika upandaji na utunzaji wa mazinga

“Mfumo unaotumika ni umwagiliaji wa matone (Drip Irrigation) na hii itasaidia mti usikauke na unatumia maji kidigo kwani ikitumiwa vizuri inaweza kutumia lita 1 ya maji kwa siku 3 hivyo kufanya ndoo ya lita 10 kutumika kwa mwezi mmoja” alisisitiza Mwampashe

Afisa Maliasili na Utalii aliendelea kueleza kuwa katika kampeni hii elimu kubwa inatolewa kwa wananfunzi wa shule za Mji wa Tunduma ili kuweza kusambaa kwa haraka kwani Watoto wakirudi nyumbani ni rahisi kuwaelekeza wazazi kitu walichofundishwa shuleni juu ya upandaji miti

“Katika zoezi hili tunatoa elimu ya kutengeneza vitalu kila shule lengo likiwa ni kuwafanya wanafunzi wajue njia za upandaji a utunzaji wa miti, hii sio tuu kwa ajili ya Kijanisha Tunduma bali hata kwa ajili ya kujipatia Ajira kwani mwanafunzi akielewa anaweza kuanzisha kitalu chake nyumbani na kuuza miche ya kivuli na matunduma” alisema Mwampashe

Mkoa wa Songwe ulipanga kila Halmashauri kupanda miti milioni moja laki tano (1,500,000) lakini Halmashauri ya Mji Tunduma imeamua kuanda miti milioni mbili (2,000,0000 kutokana na Umuhimu wa kuibadilisha Tunduma na kuwa ya Kijani