Kikao cha Lishe Chafanyika

Imewekwa : August 14th, 2024

Benton Nollo, TTC

Halmashauri ya Mji Tunduma imefanya kikao cha Kamatinya Lishe kujadili taarifa ya utekekelezaji wa Afua za Lishe kwa kipindi cha robo ya nne ya mwaka wa fedha 2023/2024 ambacho kilifanyika kwenye Ukumbi wa Mikutano wa Halmashauri hiyo tarehe 14 Agosti 2024.

Kikao hicho ambacho kimeongozwa na Mkuu wa Divisheni ya Afya, Ustawi wa Jamii na Huduma za Lishe Halmashauri ya Mji Tunduma, Dkt. Sebastian Siwale kwa niaba ya Mkurugenzi wa Halmashauri hiyo, kimeketi kujadili kwa kina taarifa hiyo kwa Kitengo cha Huduma za Lishe, Divisheni ya Elimu Msingi na Awali, Divisheni ya Elimu Sekondari, Divisheni ya Kilimo, Mifugo na Uvuvi pamoja na Divisheni ya Maendeleo ya Jamii.

Akiwasilisha taarifa hiyo Afisa Lishe wa Halmashauri hiyo, Frida Muhindi amesema kwa kipindi hicho watoto 15 wenye utapiamlo mkali wametibiwa katika Kituo Cha Afya Tunduma.

Kwa upande wa ulishaji watoto wachanga na wadogo, Muhindi amesema kwa kipindi hicho watoto wachanga 9,475 wamepatiwa maziwa ya mama pekee ndani ya miezi sita.

Pia, amesema kati ya watoto 40,203 waliochunguzwa hali za lishe na wazazi au walezi wao kupatiwa unasihi wa lishe, watoto 1,114 walikuwa na uzito pungufu kiasi, watoto 61 walikuwa na uzito pungufu sana, watoto 1,520 walikuwa na ukondefu kiasi na watoto 46 walikuwa na ukondefu sana.

Aidha, kwa upande wa utoaji wa vidonge vya madini chuma Afisa Lishe huyo amesema kwa kipindi hicho wajawazito 9,238 kati ya wajawazito 11,029 waliohudhuria kliniki kwenye Vituo vya Kutolea Huduma wamepatiwa madini hayo ili kupunguza matatizo yanayotokana na ukondefu wa madini chuma.

Muhindi amesema watoto 9,360 wamepatiwa Matone ya Vitamini A na watoto 242 wamepatiwa dawa za minyoo. Pia, amesema kupitia kampeni iliyofanyika Mwezi Juni 2024 watoto 33,837 wamepatiwa chanjo hiyo sawa na asilimia 101.9 ya watoto 33,210 waliolengwa.

Amesema kwa upande wa maadhimisho ya Siku ya Afya na Lishe kwenye Mitaa yamefanyika kwenye Kata zote 15 na Mitaa yote 71 ambapo walezi wenye miezi 0 - 23 wapatao 4,141 wamepatiwa unasihi, watoto 7,794 wamepimwa mzinguko wa mkono (MUAC) ambapo kati yao watoto 116 walikuwa na utapiamlo wakadiri na wawili walikuwa na utapiamlo mkali na walipatiwa rufaa kwenda kwenye vituo husika.

Matukio katika Picha: