KILA MTUMISHI AHAKIKISHE ANAFUNGA MWAKA AKIWA AMEMALIZA KUTEKELEZA MAJUKUMU YAKE_TD MAGESA

Imewekwa : June 17th, 2022

Hayo ameyasema Mkurugenzi wa Halmashauri ya Mji Tunduma Bwana Philemon Magesa wakati akiongea na Watumishi wa Halimashauri ya Mji Tunduma mapema leo asubuhi

Halmashauri ya Mji Tunduma inautaratibu wa kukaa kikao kwa Wiki kila ijumaa cha kupokea taarifa za Mapato ya Halmashauri ili kufanya tathimini ya mwenendo wa ukusanyaji wa Mapato ya Halmashauri

Katika kikao hicho Mkurugenzi Magesa amewataka watumishi wote kila matu kwa nafasi yake kuhakikisha anafanya kazi kwa kadri ya uwezo wake kuhakikisha kwamba anafunga mwaka kamaliza majukumu ya mwaka wa fedha 2021/2022

Pia alisisitiza kuwa Mapato yanatakiwa kuendelea kukusanywa ili tuweze kutekeleza miradi ya maendeleo ya Halimashauri na kuwatumikia wananchi wa Halmashauri ya Mji wa Tunduma

Mkurugenzi magesa aliwaeleza wakuu wa Divisheni na Vitengo kwamba hatarajii kuona pesa zilizoletwa na Rais wa Jamhuri ya Muungano wa Tanzania Mhe. Samia Suluhu Hassan zinavuka mwaka wa fedha. “Hainingii akilini kuona pesa zinavuka mwaka na wewe mkuu wa Divisheni upo tuu hapo inabidi ujitathimini kama unatosha kuongoza divisheni au kitendo chako”

Kwa mwaka wa fedha 2021/2022 Halmashauri ya Mji Tunduma ilikisia kukusanya Tsh. 7,635,690,500.00/= na mpaka kufikia Tarehe 16.06.2022 tayari Halmashauri imekusanya Tsh. 8,106,420,362.77/= ambayo ni sawa na 106%.

Katika makusanyo hayo  Halmashauri imepeleka asilimia 60% ya mapato ya ndani yasiyolindwa (own source proper) jumla ya Tsh. 4,333,254,350.00/= ambayo ni sawa na 100% katika miradi ya maendeleo iliyokamilika na mingine inayoendelea kukamilika

Mwisho Mkurugenzi aliwashukuru sana Watumishi wote kwa kujitoa kukusanya mapato kwani mapato ndio dira ya kutekeleza miradi ya maendeleo.