KUTOKANA NA UTABILI WA HALI YA HEWA, RC KINDAMBA ATOA NENO

Imewekwa : November 11th, 2022

Mkuu wa Mkoa wa Songwe (RC), Waziri W. Kindamba amewataka amewataka viongozi wa halmashauri za mkoa huo kuwashawishi wananchi kupanda mazao ya muda mfupi ili kuepuka athari zinazoweza kusababishwa na mvua chache.

Kindamba ametoa rai hiyo leo Ijumaa Novemba 11, 2022 wakati akifungua kikao cha tathimini ya utekelezaji wa shughuli za shughuli za halmashauri za robo ya kwanza 2022/23.

Amesema kuwa kutokana na utabiri kuonyesha uwezekano wa mvua chache hivyo viongozi hao wanayakiwa kuongea na wananchi kuwasisitiza kujiandaa na kulima mazao ya muda mfupi.

"Kuna uwezekano mkubwa mvua zinaweza kuwa chache hasa halmashauri zinazotegemea kilimo sana, kama Momba na Songwe nendeni mkaongee na wananchi wenu ili waweze kujipanga vizuri na pia kuzalisha mazao ya muda mfupi"

"Mikoa mingi inatutegemea tufanye bidii katika kulima mazao ya muda mfupi tukifanya mzaha tunaweza kuingiza nchi kwenye baa la nja.

Nendeni kasimamieni mbolea za ruzuku maana kuna wafanyabiashara ambao sio waaminifu wasije kupeleka mbolea hizi za wakulima nchi jirani hii itakuwa tuna mhujumu Rais" amesema

Pia, Kindamba amesema kutokana na mkoa huo kuwa mpya, viongozi wasismamie kuupanga vizuri ili kuepuka ujenzi holele.

"Huu ni mkoa mpya tutumie fursa hiyo kuupanga vizuri tuwaelimishe wananchi wetu wasijenge kiholela, wakurugenzi wasimamie vizuri katika hilo" amesema

Kuhusu mkakati wa kutunza mazingira Mkuu huyo wa Mkoa amesema "Mbozi mmeharibu sana mazingira sasa kila kaya ipande miti 5 kwa mjini na kwa vijijini miti 10 tunaanza na watumishi hata kama wamepanga" amesema

Amewataka viongozi kusimamia miradi ya ujemzi wa madarasa ili kuhakikisha miradi hiyo inakamilika kwa muda.

"Inatakiwa miradi inakamilika kwa wakati ili wananchi wawe na Imani na Serikali yao" ameeleza.