MKURUGENZI MAGESA ATEULIWA TENA KUENDELEA KUWATUMIKIA WANATUNDUMA

Imewekwa : June 7th, 2023

Mwenyekiti wa Halmashauri ya Mji Tunduma kwa niaba ya Baraza la Madiwani, menejimenti, watumishi na wananchi wa Halmashauri ya Mji Tunduma anapenda kumpongeza Bwana Philemon Mwita Magesa kwa kuaminiwa na Rais wa Jamhuri ya Muungano wa Tanzania Mhe. Dkt. Samia Suluhu Hassan na kuteuliwa kuendele kuwa Mkurugenzi wa Halmashauri ya Mji Tunduma

Mhe. Mlimba ameeleza hayo mapema leo baada ya uteuzi wa wakurugenzi na makatibu tawala uliofanywa na Mhe. Dkt. Samia Suluhu Hassan na kuendelea kumwamini Mkurugenzi Magesa kuendelea kuitumikia Halmashauri ya Mji Tunduma

"Mhe. Rais ana imani kubwa sana na wewe, sisi kama baraza kwa niaba ya wanatunduma tunafurahishwa sana na utendaji kazi wako mzuri hongera sana" alisema Mhe. Mlimba

Kwa upande wake Mkurugenzi wa Mji Tunduma Ndugu Philemon Magesa amesema kuwa anamshukuru sana Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kuendelea kumwamini katika nafasi ya Ukurugenzi na kuahidi kuendelea kuwatumikia wananchi wa Halmashauri ya Mji wa Tunduma kwa Ari na Weledi Mkubwa.

"Ninamshukuru sana Mhe. Dkt. Samia Suluhu Hassan kwa kuniteua tena kuendelea kuitumikia Tunduma, pia niwashukuru watumishi wote ambao tumekuwa nao tukifanya kazi za kuwatumikia wananchi wa Tunduma kwani tumekuwa pamoja katika kutekeleza majukumu yetu" alisema Mkurugenzi Magesa

Mwisho Mkurugenzi Mgesa aliwashukuru watumishi wote kwa kwa ushirikiano na kuwahimiza waendelee kuchapa kazi. Kundelea kuaminiwa kwakeni kunatokana na kazi za watumishi wote.

" Mimi sifanyi kazi peke yangu. Kazi zenu ndo zinafanya nionekane. Hivyo, tuendelee kuchapa kazi zaidii kwani Tumeaminiwa na Rais kuwatumikia wanatunduma" alisisitiza Mkurugenzi Magesa