MKUU WA MKOA AIPA PONGEZI HALMASHAURI YA MJI TUNDUMA

Imewekwa : April 26th, 2023

Na William Maganga - Tunduma TC

Mkuu wa Mkoa wa Songwe, Mhe. Dkt. Francis Michael amezindua vyumba 9 vya madarasa vipya katika Shule ya msingi Msongwa iliyopo Kata ya Chipaka Halmashauri ya Mji Tunduma ikiwa ni kuadhimisha miaka 59 ya Muungano wa Tanganyika na Zanzibar.

Kabla ya kuweka jiwe la msingi hilo Mkuu wa mkoa alikagua madarasa yote na kumpongeza Mkurugenzi wa Halmashauri ya Mji Tunduma kwa usimamizi mzuri wa ujenzi huo kwani muonekano wa majengo unaendana na thamani ya fedha zililotolewa na serikali

Pia Mhe. Dkt. Michael alitoa wito kwa wakurugenzi wengine wa Halmashauri zote za mkoa wa Songwe kuiga mfano mzuri wa Tunduma ili kuendelea kuboresha mazingira rafiki na wezeshi kwa ajili ya wanafunzi kusoma

Mhe. Dkt. Michael alieleza historia ya Elimu kwa Mkoa wa Songwe kuwa ilianzia wakati wa Ukoloni wa Mjerumani ambako wamisionari ndiyo walianzisha shule katika maeneo ya machifu. Hadi muungano, Mkoa wa Songwe ulikuwa na Shule tatu (3) za Serikali ambapo Wilaya ya Ileje kulikuwa na shule moja ya Malangali na Mbozi ilikuwa na shule tatu (3) ambazo zilikuwa chini ya utawala wa machifu. 

“Takwimu zinaonyesha hadi mwaka 1975 baada ya Mpango wa UPE kuanza eneo la Mkoa wa Songwe kwa sasa lilikuwa na wanafunzi 27,327 wa shule za Msingi na hadi kufikia 2016 wakati Mkoa unanzishwa kulikuwa na wanafunzi 248,403 na mwaka 2023 tuna jumla ya wanafunzi 279,829. Aidha shule ziliongezeka kutoka chini ya 10 wakati wa muungano hadi kufikia 474 za Msingi na Sekondari kutoka 0 hadi 126 zilizopo sasa” alisisitiza Mhe. Dkt. Michael

Shule ya msingi Msongwa ilipokea fedha toka Serikali Kuu Milioni 250 kwa ajili ya ujenzi wa vyumba vya madarasa 9, jengo la utawala, vyoo vya wanafunzi matundu 26 na vyoo vya waalimu matundu 4. Pamoja na fedha izo lakini wananchi wa Kata ya Chipaka kwa nguvu zao wamechangia Milioni 3 na Halmashauri ya Mji Tunduma kupitia mapato yake ya ndani imetoa Milioni 25 kwa ajili ya kuchimba kusima cha maji ambacho maji.