MKUU WA MKOA WA SONGWE ATATUA MGOGORO WA USAFIRI TUNDUMA - MBEYA

Imewekwa : November 8th, 2022

Mkuu wa Mkoa wa Songwe, Mhe. Waziri Kindamba amekutana na wadau wanaotoa huduma ya usafirishaji kutoka Tunduma-Mbeya, Mpemba-Tunduma na kutatua mgogoro ambao umedumu kwa siku mbili na kuleta kadhia kwa wananchi.

Kikao hicho ambacho kimewakutanisha viongozi na wamiliki wa Hiace, Bodaboda, Bajaji na Coaster pamoja na viongozi wa Serikali ya Halmashauri ya Mji Tunduma, Wilaya ya Momba na Mkoa wa Songwe wamekubaliana kwa pamoja kufanya kazi kwa kufuata sheria na hawataruhusu mgomo wowote kufanyika mpaka pale njia zote za majadiliano ziwe zimefika mwisho.

Mkuu wa Mkoa wa Songwe, Mhe. Waziri Kindamba amesema mambo ambayo wamekubaliana ni yafuatayo.

1. Magari (Daladala) yanayofanya safari za Chipaka -Standi Kuu ya Tunduma (Mpemba) kituo cha mwisho cha kubeba au kushusha abiria kitakuwa ni Uzunguni na yakitoka Standi Kuu ya Tunduma (Mpemba) kituo cha kwanza kitakuwa Uzunguni.
2. Magari yanayofanya safari za Standi Kuu ya Tunduma (Mpemba) - Mbeya yakitoka Stendi Kuu (Mpemba) kituo cha kwanza cha kupakia ni kwa Mwakabwangazi na gari itakaa hapo kwa muda usiozidi dakika 5 na kuendelea Wilaya ya Mbozi, hivyo hivyo yakitokea Mbeya kituo cha mwisho kushusha kabla ya kufika Stendi ya Mpemba kitakuwa kwa Mwakabwangazi.
3. Magari yanayofanya safari za Dar es Salaam, Dodoma, Songea na Mikoa mingine yatashusha abiria Standi Kuu ya Tunduma (Mpemba) na kama Busi ilo lina Stendi binafsi Tunduma litaruhusiwa kwenda kwenye Stendi yake binafsi.
4. Bajaji za Tunduma zitaishia Stendi ya Sogea na zile za Mpemba zitaishia Chapwa tu.
5. Magari yanayofanya Daladala kutoka Standi Kuu ya Tunduma (Mpemba) - Chipaka yataanza kazi kuanzia saa 10 Alfajiri hadi saa tano usiku mpaka pale magari yanayotoka Dar es Salaam na mikoani yafike Tunduma. 
6. Magari ya yanayofanya safari Standi Kuu ya Tunduma (Mpemba) - Sumbawanga watashusha abiria Chipaka na Standi Kuu ya Tunduma (Mpemba)  tu.
7. Marufuku gari za abiria kubadilishana abiria kwenye vituo vya kuweka mafuta, ukikamatwa hatua kali za kisheria zitachukuliwa.
8. Uongozi wa Mji wa Tunduma uko kwenye mchakato wa kutafuta eneo Chipaka kwa ajili ya ujenzi wa Stendi ndogo ambayo itakwenda kutatua changamoto.
9. Serikali kuziboresha Barabara zote za mchepuko zilizopo Tunduma ili wadau wa usafirishaji wafanye kazi yao kwa ufasaha zikiwemo Bajaji.

Mkuu wa mkoa amesema kuwa lazima Madereva wote wafuate sheria za barabarani pamoja na sheria za Halmashauri ya Mji Tunduma kwani wakizikiuka sheria kali zitachukuliwa dhidi ya yeyote bila kujali kampuni ya gari analofanyia kazi