MRADI WA BOOST UWE KIUNGO MUHIMU KATIKA TAIFA _ Gombo

Imewekwa : December 23rd, 2022

Kaimu Katibu Tawala Mkoa wa Mbeya ndugu Donarld Gombo amewaasa washiriki wa semina ya mafunzo ya BOOST kuwa mafunzo waliyoyapata yakawe nyenzo muhimu ya kuleta maendeleo katika sekta ya Elimu nchini Tanzania

“Mnatakiwa kuwa na Uthubutu wa kutekeleza Mradi huu kwani Nchi yetu tutaijenga wenyewe na hakuna wa kuja kutujengea. Rais wa Jamhuri ya Muungano wa Tanzania Mhe. DK. Samia Suluhu Hassan ameamua kukopa Tilioni 1.15 kwa ajili ya Mradi huu, Sasa niwatake mwende kutekeleza na si kumwangusha” alisisitiza ndugu Gombo

Mradi huu unatakiwa kufanyika kwa weledi ili kuifanya Tanzania kuwa Taifa la mfano na Mafunzo haya ni mafunzo muhimu sana yenye lengo la kuinua elimu nchini

“Hakuna aliyekuja kwenye Semina kwa bahati mbaya wote mmeaminiwa, nendeni mkatumie maarifa haya mliyoyapata kuwasaidia watoto wa masikini” alisisitiza Gombo

Sekta ya Elimu imefanya vizuri sana na hata ile heshima ya Mwalimu imerudi sana kutokana na Kazi nzuri inayoendelea kufanywa na Walimu ya kulielimisha Taifa letu, na sasa hata Mwalimu yoyote anatembea kifua mbele Kwani sasa elimu inayotolewa inakidhi mahitaji ya Nchi

Mafunzo haya ni endelevu na tunategemea mkawe Walimu kwa ngazi za Halmashauri na Vituo vinavyokwenda kutekeleza mradi huu Washiriki 304 Mikoa iliyoshiriki ni Mbeya, Katavi, Songwe, Rukwa, na Washiriki wa TSC TOKA Arusha, Manyara na Njombe