MRADI WA DREAMS KUWANUFAISHA WASICHANA RIKA BALEHE TUNDUMA

Imewekwa : April 16th, 2023

Na William Maganga – Tunduma

Integrated Rural Development Organization (IRDO) ni shirika lisilo la kiserikali ambalo kupitia mradi wa DREAMS limeweza kuwaibua mabinti 669, kutoa huduma ya upimaji na ushauri nasaha kwa mabinti kutambua sehemu salama ambazo mabinti wanajifunza masomo na uendeshaji wa vipindi na elimu mbalimbali za kujiinua kiuchumi.

Shirika la IRDO lina tekeleza mradi wa DREAMS unaosaidia mabinti balehe na wanawake vijana wenye umri wa miaka (15 – 24) katika Kata 15 za Halmashauri ya Mji Tunduma. Mradi unakusudia kuwasaidia mabinti balehe na wanawake vijana walio katika mazingira hatarishi ya kupata maambukizi mapya ya virusi vya UKIMWI kwa kuwawezesha kubadili tabia na kuwainua kiuchumi ili waweze kujitegemea na kuandaa jamii ya baadae iliyo na maadili mema na iliyo salama.

Mkurugenzi wa Shirika la IRDO Bwana Simon Chiwanga amemesa kuwa nia ya kuanzisha Mradi wa DREAMS lengo lake kubwa ni kuwasaidia vijana ambao kwa sasa takwimu zinaonyesha asilimia 40 ya maambukizi mapya ya UKIMWI kundi la wasichana balehe na wanawake vijana kuanzia umri miaka 15 hadi 24 ndio limekuwa linaathirika kwa kiwango kikubwa barani Afrika.

“Tumeamua kuichagua Halmashauri ya Mji Tunduma kutokana na kuwa na  Muingiliano mkubwa wa wafanyabiashara wanao tumia mpaka wa Tunduma – Nakonde kuingia na kutoka Tanzania na kuelekea nchi za SADC” alisema Bwana Chiwanga

Mratibu wa mradi wa DREAMS Bi. Jackline Mhegi amesema mpango wa DREAMS utakwenda kuwasaidia wasichana rika balehe na wanawake vijana kwenye vyanzo au sababu zinazopelekea mabinti wengi kupata maambukizi mapya kwa kujua namna ya kujikwamua.
"Tunawafundisha vijana rika balehe waliotengwa au wenye changamoto zinazopelekea kujiingiza katika ngono zisizo salama kwa lengo la kujikwamua kiuchumi jinsi ya kuepuka vishashiwi na kubaki kuwa salama katika Maisha yao ya kila siku" alisistiza Bi. Jackline
Hivyo kwa wale mabinti ambao watakuwa katika sehemu hatarishi kupata maambukizi kwa sababu izo basi mpango wa DREAMS utawasaidia kiuchumi na

Mradi wa DREAM umepata muitiko mkubwa sana kwa vijana rika balehe na matarajio ni makubwa sana ya kuwafikia vijana wengi zaidi ili waweze kuondokana na changamoto zinazowakabili

Shirikia la IRDO limefungua Ofisi yao ndani ya Mji wa Tunduma Mtaa wa Msampania, Kata ya Chapwa Jirani na zilipo Ofisi za Mkurugenzi wa Halmashauri ya Mji Tunduma