NENDENI MKATEKELEZE AFUA ZA LISHE KIKAMILIFU _ Mkurugenzi Magesa

Imewekwa : November 5th, 2022

Mkurugenzi wa Halmashauri ya Mji Tunduma Ndugu Philemon Magesa amewataka watendaji wa Kata zote wakasimamie Afua za lishe kikamilifu katika kata zao

Mkurugenzi Magesa ameyasema hayo wakati akisaini Mkataba wa Lishe na watendaji hao katika Ukumbi wa Halmashauri ya Mji Tunduma uliopo kata ya Chapwa

"Ni aibu sana Tunduma kuonekana tuna udumavu, hili halikubaliki hata kidogo. Mji wetu unafikika kirahisi na wananchi ni waelewa nendeni mkatoe elimu kwa kila kaya kuhusu lishe bora" alisema Mkurugenzi Magesa

Sito muacha salama Mtendaji ambaye atashindwa kutekeleza majukumu yake. Suala la lishe halihitaji nguvu kubwa ni elimu tuu ambayo wananchi walio wengi wanaikosa

Makundi yote ya chakula yanapatikana hapa Tunduma tatizo ni uelewa wa wananchi juu ya kuvipangilia vyakula hivyo

Pia Mkurugenzi Magesa aliwakumbusha watendaji wa kata kuwa wanafunzi wote wa shule za Halmashauri ya Mji Tunduma Kula chakula cha mchana shuleni ni sheria hivyo mkahakikishe kila shule inatoa chakula

"Baraza la Madiwani la Halmashauri ya Mji Tunduma lilipitisha Sheria ya chakula shuleni hivyo nendeni mkawaelimishe wazazi ambao hawachangii chakula. Waelekezeni chakula ambacho mtoto alitakiwa kurudi kula ndicho anachochangia ili mtotowake ale shuleni" alisisitiza Mkurugenzi Magesa

Naye Mtendaji wa Kata ya Katete Bi. Adelphina Sanga kwa niaba ya watendaji alimshukuru sana Mkurugenzi kwa hatua ya kuwaita na kuwasainisha mikataba ya lishe. Pia aliahidi kwamba wanakwenda kutekeleza yale yote waliyoagizwa na Mkurugenzi