NMB TUNDUMA YAFUNGA MWAKA KIVINGINE

Imewekwa : June 20th, 2022

Benki ya NMB Tawi la Tunduma imefanya kikao kazi na watumishi wa Halmashauri ya Mji Tunduma kwa lengo la kuwajengea uwezo juu ya maboresho ya huduma za kibenki zinazoendelea hususani katika mapinduzi ya kidigitali

Akieleza mapinduzi hayo meneja wa Benki ya NMB tawi la Tunduma Bwana Michael Mzinga alisema kuwa kwa sasa Banki ya NMB imebadilika na kuwa ya kidigitali na mteja haitaji kufika banki ili kupata huduma.

“Kwasasa unaweza kupakua huduma ya NMB MKONONI ambayo unaweza kufanya huduma zote ambazo ulitakiwa kuja ndani ya benki"

Bwana Mazinga aliendelea kueleza kuwa kwa sasa unaweza kuwa na KADI ambayo inakuwa na mkopo ndani yake. Kadi hiyo inaweza kutumika kwa kutoa pesa na kupokea huku ikiwa ni mkopo ambao mtumijia anaweza kuendelea kulipa kwa awamu hadi mkopo utakapo isha

Kwa upande wake Bwana Steven Mwasomola amabaye ni Afisa Mahusiano aliwaeleza watumishi kuwa kwa sasa Benki imeanzisha mikopo ya kilimo kwa ajili wa watu wote wanaojishughulisha na kilimo hivyo ni fursa mpya kwa wateja wa NMB kama kuna wakulima wanakaribishwa kuomba mikopo hiyo.

Nae Mkurugenzi wa Halmashauri ya Mji Tunduma Bwana Philemon Magesa aliwashukuru sana NMB tawi la Tunduma kwa kuandaa kikao kazi hicho kilichoendana na chai kwani hakijawahi fanyika hivyo kuwa cha kwanza kwani Watumishi wa NMB wameacha Ofisi zao na kuwafuata wateja wao.

Katika maombi yake kwa Benki ya NMB tawi la Tunduma Bwana Magesa aliiomba Benki hiyo kusaidia katika Nyanja za Elimu kwani Tunduma ni Mji unakua sana hususani katika kipengele cha kuzaliana

“kwa mwaka watoto wanaozaliwa katika Halmashauri ya Mji wa Tunduma ni Zaidi ya 500 ambao ni sawa na shule moja, hivyo japo kuwa tunajitahidi kujenga shule nyingi lakini bado tunazidiwa kwa idadi hii ya watoto wanao zaliwa kila mwaka”

Pia Mkurugenzi Magesa aliiomba banki hiyo kuweka TAWI katika jengo la utawala linalojengwa na linatarajiwa kuanza katumika Julai 1 mwaka huu.

“Tunakuomba ulete tawi katika jengo letu la Utawala, chumba kipo tunakupatia wewe uje kwa ajili ya kukiangalia na ilikifanyiwe marekebisho kwa ajili ya huduma za kibenki”

Kwa upande wake katibu tawala wa wilaya ya momba Bi. Marry Marco aliwashukuru sana NMB na kuwaomba waendelee kujitolea na kuunga mkono miradi ya maendeleo kwani licha tu ya watumishi wa Halmashauri ya Mji Tunduma kupokelea mishahara yao katika Bank ya NMB bado pia mapato ya Halmashauri ya Mji yote yanapokelewa kupitia Benki yao, mfano kwa mwaka wa fedha huu hadi kufikia tarehe 16.06.2021 Halmashauri imekusanya mapato yake Tsh. 8,106,420,362.77/= ambazo zote zimepitia Benki ya NMB tawi la Tunduma

Bi. Marry aliendelea kusema kwamba Benki ya NMB tawi la Tunduma wamefanya jambo la mfano wa kuigwa kwa kuwatambua wateja wao na kuwapatia nafasi ya kuzijua fursa zinazotolewa nahivyo kuwaomba wasiishie hapo waendelee kwa makundi mengine ili wazidi kupata uelewa wa fursa zinazopatikana Benki ya NMB tawi la Tunduma