MKUU WA WILAYA ATOA SIKU 6 KWA WANAFUNZI WOTE KURIPOTI SHULENI

Imewekwa : February 6th, 2023

Ofisi ya Mkuu wa wilaya ya Momba imetoa siku 6 kwa wanafunzi wote waliochaguliwa kuanza kidato Cha kwanza 2023 kuripoti mashuleni kabla ya wazazi wao kuchukuliwa hatua.

Hayo yamebainishwa Leo Tarehe 6/02/2023 katika ziara ya Mkuu wa wilaya pamoja na katibu tawala walipotembelea shule Mbalimbali za Halmshauri ya Mji wa Tunduma wilayani humo.

Mh Lulandala amewaagiza maafisa watendaji wa kata na Mitaa kuhakikisha wanafanya ziara nyumba kwa nyumba kuhakikisha wanawatambua na kuwachukulia hatua wazazi wote ambao watoto wao waliochaguliwa kujiunga na kidato Cha kwanza na hawajaripoti mashuleni.

Dc Lulandala amefikia hatua hiyo baada ya kutoridhishwa na Kasi ya wanafunzi wa kidato Cha kwanza kuripoti mashuleni katika Halmshauri ya Mji wa Tunduma.

" Watendaji wa kata na Mitaa hakikisheni wanafunzi wote wanayopoti mashuleni ikifika Tarehe 11 mwezi huu mtoto ambaye atakuwa hajaripoti mzazi wake akamatwe awekwe ndani mpaka mtoto wake apatikane ndipo atoke" alisema Lulandala.

Akitoa Taarifa ya mapokezi ya wanafunzi Afisa elimu Sekondari Halmshauri ya Mji Tunduma Mwl Patricia Mbigili amesema Halmshauri ilipanga kupokea wanafunzi 4377 wa kidato Cha kwanza Mwaka 2023 mpaka Leo terehe 06/2/2023 wanafunzi 3879 sawa na asilimia 89 wameripoti mashuleni na tayari wameanza masomo.

Mbigili ameongeza kuwa licha ya kufikia asilimia 89 bado hawajaridhika na Kasi ya wanafunzi kuripoti kwani lengo lilikuwa Tarehe 09/02/2023 kufikia asilimia 100 ya wanfunzi wote licha ya kuwa wanafunzi wa kike wameongoza kuripoti kwa wingi ikiwa ni Wavulana 1894 na wasichana 1985 ambao jumla yao ni 3879.sawa na 87 asilimia.