RAIS SAMIA AONGEZA WIKI MOJA MAONYESHO YA NANENANE 2023

Imewekwa : August 15th, 2023

Rais wa Jamhuri ya Muungano wa Tanzania Dkt: Samia Suluhu Hassan ameridhia ombi la Spika wa Bunge la Tanzania Dkt Tulia Ackson kuongeza siku saba mbele za kuendelea na maonyesho ya Kimataifa Nanenane kabla ya kuubomoa Uwanja na kuujenga katika hadhi ya Kimataifa.

Lengo kuu likiwa ni kuwapatia wananchi elimu zaidi juu ya Kilimo, Mifugo na Uvuvi

Mhe. Dkt. Samia Suluhu Hassan ndiye aliyekuwa Mgeni Rasmi katika sherehe za Ufungaji wa Maonyesho hayo ya Nanenane mwaka 2023 ambapo kitaifa yalifanyika katika Viwanja vya John Mwakangale Jijini Mbeya.

Kauli Mbiu ya mwaka huu ni: "Vijana na Wanawake ni Msingi Imara wa Mifumo endelevu ya Chakula"

Dkt: Samia ametoa kauli hiyo hii leo akiwa katika kilele cha Maonyesho ya Kimataifa ya Wakulima Nanenane ambayo yamefanyika Mkoani Mbeya.

"Naomba niungane na Spika juu ya Ombi lake la kuongeza siku saba mbele za kuendelea kwa maonyesho haya ili kuwapa fursa wananchi kuendelea kufanya shughuli zao na biashara zao kabla ya kufanyika kwa mchakato wa kubomoa Uwanja huu na kuujenga Kimataifa"

Maonyesho haya ya Kimataifa ya wakulima Nanenane ni ya kwanza kufanyika Mkoani Mbeya na Tanzania kwa Ujumla kadharika ni maonyesho ya nane ambayo yamebeba kauli mbiu isemayo Vijana na wanawake ni msingi Imara wa mifumo endelevu ya Chakula.