Rais Samia Atoa Mkono wa Eid El Fitr, Pasaka Tunduma

Imewekwa : March 31st, 2025

Na Benton Nollo, Tunduma TC

Mkuu wa Wilaya ya Momba, Mhe. Elias Mwandobo (aliyevaa shati jeupe) kwa niaba ya Mkuu wa Mkoa wa Songwe, Mhe. Daniel Chongolo leo tarehe 31 Machi 2025 amekabidhi vyakula na vinywaji kutoka kwa Rais wa Jamhuri ya Muungano wa Tanzania, Mhe. Dkt. Samia Suluhu Hassan ambavyo ni mahsusi kwa watoto yatima na waishio katika mazingira magumu ili kusherehekea Sikukuu ya Eid El Fitr inayosherehekewa leo (tarehe 31 Machi na tarehe 1 Aprili 2025) pamoja na Sikukuu ya Pasaka itakayosherehekewa tarehe 20 na 21 Aprili 2025.

Tukio la Kiongozi huyo kukabidhi zawadi hizo limefanyika kwenye Jengo la Makao Makuu ya Halmashauri ya Mji Tunduma lililopo Mtaa wa Msampania Kata ya Chapwa nje kidogo ya Mji wa Tunduma.

 Zawadi zilizokabidhiwa ni pamoja na mchele kilo 400, mbuzi wanne (4) kwa ajili ya kitoweo, mafuta ya kupikia lita 40, sukari kilo 80, juisi na soda katoni tano (5), chumvi pakiti mbli (2), sabuni ya unga kilo 30 na sabuni za mche boksi mbili.

Matukio katika Picha: