SERIKALI KUKUZA USAWA WA KIJINSIA KWA WANAWAKE NA WASICHANA

Imewekwa : December 12th, 2022

Waziri wa Nchi Ofisi ya Rais Tawala za Mikoa na Serikali za Mitaa Mhe. Angellah Kairuki amesema Serikali imeonyesha dhamira ya dhati ya kukuza usawa wa kijinsia ikiwemo Ushiriki wa Wanawake katika Kufanya Maamuzi, Uwezeshaji Wanawake Kiuchumi na kutokomeza Ukatili wa Kijinsia,

Ameyasema hayo leo tarehe 12 Desemba, 2022 wakati akizundua mradi wa Uongozi na Haki za Kiuchumi kwa wanawake katika Mamlaka za Serikali za Mitaa unaotekelezwa na UN Women kwa ushirikiano na Ofisi ya Waziri Mkuu. Ofisi ya Rais TAMISEMI, Idara na Asasi za Kiraia, kupitia msaada wa Serikali ya Finland, uliofanyika jijini Dar-es-salaam

Amesema kuwa chini ya Uongozi wa Rais wa Jamhuri ya Muungano wa Tanzania Mhe. Samia Suluhu Hassan Serikali imewawezesha wanawake kiuchumi, kushiriki katika masuala ya uongozi na ushiriki katika kufanya maamuzi.

Amesema Serikali imefanya jitihada za makusudi za kuteua wanawake wenye uwezo, na sasa baraza la mawaziri linajumuisha wanawake tisa, sawa na asilimia 36, Manaibu Mawaziri 6. Makatibu Wakuu wanawake zaidi wameteuliwa, pamoja na Wakuu wa Mikoa.

“ Tanzania ni miongoni mwa nchi 13 tu duniani zenye Mkuu wa Nchi mwanamke - Mh. Samia Suluhu Hassan.
Idadi ya wanawake Bungeni ni 37%, na idadi ya Madiwani wa Wilaya wanawake ni 30%” amesema Waziri Kairuki

Waziri Kairuki amesema hadi kufikia Juni mwaka 2022 Serikali kupitia mpango maalum wa kuwawezesha wanawake, vijana na watu wenye ulemavu, vikundi 21,542 vya wanawake na vikundi vya vijana 12,283 vilinufaika na zaidi ya shilingi bilioni 16. mikopo isiyo na riba.

Amesema pamoja na mafanikio yaliyopatikana bado kuna kazi ya kufanya,kunahitajika viongozi wanawake katika ngazi ya serikali za mitaa ili kufikia matarajio ya usawa wa kijinsia kwa kuwa nafasi za uongozi katika ngazi ya serikali za mitaa nchini bado ni mdogo.