SILINDE AMSHUKURU RAIS DKT. SAMIA KWA KUPELEKA MABILIONI YA MIRADI YA MAENDELEO TUNDUMA.

Imewekwa : February 14th, 2023

Naibu Waziri Ofisi ya Rais -TAMISEMI ambaye pia ni Mbunge wa Tunduma, Mhe. David Silinde amemshukuru Mheshimiwa Rais, Dkt. Samia Suluhu Hassan kwa kupeleka fedha Nyingi za miradi ya maendeleo kila sekta katika Halmashauri ya Mji Tunduma mkoani Songwe.

Ameetoa shukrani hizo tarehe 14 Februri 2023 wakati akielezea miradi iliyotekelezwa katika Jimbo lake la Tunduma wakati wa ziara ya Waziri Mkuu, Mhe. Kassim Majaliwa katika Halmashauri ya Mji Tunduma.

Mhe. Silinde amesema katika sekta ya Elimu, Shule maalum ya Sayansi ya Wasichana ya Mkoa wa Songwe inaendelea kujengwa eneo la Namore katika Halmashauri ya Mji Tunduma ambayo inagharimu shilingi bilioni 4

Amesema Shule nyingine maalum moja kati ya 15 zilijengwa nchi nzima, imechejengwa katika kata ya maporomoka ambayo imeghalimu bilioni 1 iliyoenda sambamba na ujenzi wa Shule ya Sekondari ya kata ya Uwanjani.

Aidha, Mhe. Silinde Katika miaka miwili ya Rais, Dkt. Samia amewezesha ujenzi wa Vituo vya afya vitano katika Halmashauri ya Mji Tunduma ambavyo vitagharimu bilioni 2 na milioni 500

Mhe. Silinde amesema ujenzi wa Jengo la dharura (EMD) katika hospitali ya wilaya Tunduma inaendelea kujengwa kwa gharama ya shilingi milioni 336 na Vifaa tiba kama X-Ray na Mashine ya Kuzalisha Hewa ya Oksijeni zimeshaletwa.

Kadhalika, Silinde amesema bajeti ya TARURA imeongezeka kutoka bilioni 1 kufikia bilioni 4 kwa sasa na ujenzi wa Soko la kisasa kata ya Mazengo kwa gharama ya shilingi bilioni 2.3 pamoja na Soko la dagaa la bilioni 1.5

Amesema katika utekelezaji wa miradi ya kimkakati, Yamejengwa maegesho ya magari makubwa kwa shilingi bilioni 1.6 na stendi eneo la Mpemba ya shilingi bilioni 1.6