SITEGEMEI PIKIPIKI HIZI MWENDENAZO BAR _ DC LULANDALA

Imewekwa : March 11th, 2023

Mkuu wa Wilaya ya Momba MHE. Fack Lulandala ameyasema hayo wakati akikabidhi pikipiki 21 zenye thamani ya Tsh. 63,000,000/= kwa Ma Afisa Ugani 21 wa Halmashauri ya Mji Tunduma

Mhe. Lulandala amewaeleza ma afisa Kilimo hao kuwa Rais wa Jamhuri ya Muungano wa Tanzania Mhe. Dkt. Samia Suluhu Hassan amezitoa pikipiki hizo ziwasaidie katika kutekeleza majukumu yao ya kilimo ili taifa liwe na kilimo chenye tija.

“Nijukumu lenu kuzitunza pikipiki hizi kwani serikali imetumia gharama kubwa sana katika ununuzi wake sasa sitegemei kusikia Afisa Ugani umeenda nayo kulewa bar hapo hatutaelewana” alisema Dc Lulandala

Mhe. Lulandala amesema kuwa Rais ameona kuwa nchi hii haiwezi kuwa na kilimo bora na chenye tija ikiwa maafisa ugani hawajasidiwa kupata vyombo vya usafiri na kuweza kuwafikia wakulima shambani kwa maana ya kuwapatia elimu

“Ahadi hii ya kuwanunulia pikipiki aliitoa yeye mwenye Rais katika mkutano na maafisa ugani nchi nzima mliohudhuria wote waka 2022 pale Jijini Dodoma na leo Mhe. Rais ametekeleza kwa vitendo ahadi yake” alisisitiza Mhe. Lulandala

Naye Mkurugenzi wa Halmashauri ya Mji Tunduma Philemon Magesa aliwapongeza maafisa ugani wote kwa kupata pikipiki toka kwa Rais na kuwaasa kuzitumia vizuri kwa lengo la kuongeza tija ya uzalishaji kwa wakulima wa Tunduma

“Mkumbuke kuwa pikipiki hizi baada ya miaka miwili zitakuwa za kwenu jumla hivyo jitahidini kuzitunza kwa weledi na kuzitumia kwa matarajio ya serikali ili kuinua uchumi wa wakulima wa Tunduma na Taifa kwa ujumla” alisema Mkurugenzi Mgesa

Aidha Mkurugenzi Magesa aliwaambia maafisa ugani wanaokabidhiwa pikipiki hizo juu ya matumizi bora

“Sitaki kusikia pikipiki hizi mmezigeuza kuwa Bodaboda mnafanyia biashara ya kubeba abilia, hatua za kinidhamu lazima zichukuliwe sita muonea haya Afisa ugani yeyote ambaye ataenda kinyume na matakwa ya matumizi ya vifaa hivi” alisisitiza Mkurugenzi Magesa

Aidha Mkuu wa Divisheni ya Kilimo, Mifugo na Uvuvi bwana Lusajo Mwalukasa amewataka ma afisa ugani wote kujua kuwa pikipiki walizopewa ni kwa ajili ya kuwatembelea wakulima na kutoa elimu

“Matumaini yangu kuwa kila Mkulima sasa tutamfikia na kumpimia udongo wake na tuwashauri juu ya matumizi ya mbolea na viwatilifu vingine, mashine ya kupimia udongo tunayo na tunapima bure kabisa, zamani iliwalazimu wakulima kuleta Udongo Halmashauri ili wapimiwe kwa pikipiki hizi tutawafuata hukohuko mashambani” alisisitiza Mwalukasa

Halmshauri ya Mji Tunduma imepata pikipiki 21 zenye thamani yaTsh. 3,000,000/= kwa kila moja na kufanya jumla ya thamani yake kuwa Tsh. 63,000,000/= Lengo kuu ni kuongeza tija katika uzalishaji wa mazao mbalimbali ya wakulima