TRILIONI 2.7 ZA TASAF ZILIZOTOLEWA NA MHE. RAIS ZITUMIKE KUWASAIDIA WAZEE, WANAWAKE, WATU WENYEULEMAVU NA VIJANA TUNDUMA

Imewekwa : January 21st, 2022

Naibu Waziri, Ofisi ya Rais, Menejimenti ya Utumishi wa Umma na Utawala Bora, Mhe. Deogratius Ndejembi amewataka waratibu wa TASAF kuhakikisha trilioni 2.2 zilizotolewewa na Mhe. Samia Suluhu Hassan kwa ajili ya Kuzinusuru Kaya Maskini zinatumika ipasavyo kuboresha maisha ya wazee, wanawake, watu wenye ulemavu na vijana walio katika kaya hizo.

Mhe. Ndejembi ameyasema hayo alipokuwa Halmashauri ya Mji Tunduma kwa ziara ya Siku moja tarehe 20-01-2022 kuwa anatamani kuona walengwa wa TASAF wanasimamiwa vizuri ili wawe na vikundi vya ujasiriliamali ambavyo vitapata mkopo wa asilimia 10 katika Halmashauri na kutumia mikopo hiyo na ruzuku wanayoipata kunyanyua maisha yao kiuchumi.

“Walengwa wa TASAF wakiwemo wazee, wanawake, watu wenye ulemavu na vijana wakiunda vikundi na kujishughulisha na ujasiriamali watakuwa kwenye mazingira mazuri ya kujikwamua kutoka katika hali duni waliyonayo,” Mhe. Ndejembi amefafanua.

Aidha, Mhe. Ndejembi amewataka waratibu wa TASAF kuhakikisha wanashirikiana na wataalam wa Idara za kilimo, mifugo na maendeleo ya jamii kuwatembelea walengwa wa TASAF mara kwa mara ili kuwapatia ujuzi na utaalamu utakaowasaidia kuwa na vikundi bora vitakavyowawezesha kuboresha maisha yao.

Kwa upande wake Mkurugenzi wa Halmashauri ya mji wa Tunduma anlieleza kuwa, Halmashauri ilianza kutekeleza mpango wa kunusuru kaya maskini TASAF, February 2020 ikiwa ni utekelezaji wa mpango wa TASAF awamu ya tatu kwa Kipindi cha pili. Katika awamu hiyo TASAF imeweza kufikia jumla ya mitaa 71 katika kata zote 15 za Halmashauri ya Mji wa Tunduma Mitaa hiyo imefikiwa kwa awamu mbili tofauti ambapo mitaa 57 ilifikiwa na mpango wakati Tunduma ikiwa kama kijiji katika Halmashauri ya wilaya ya Momba na mitaa 14 imefikiwa katika kipindi cha pili cha utekelezaji. Kwa kufuata taratibu na vigezo vya  utambuzi na uandikishaji wa kaya maskini sana jumla ya kaya 1698 zimekidhi vigezo  na kupokea ruzuku iliwemo mitaa 14 ambayo imepokea ruzuku kwa kipindi kimoja cha mwezi September – October 2021.

Dhumuni la mpango ni kuziwezesha Kaya Maskini kuongeza kipato na fursa za kuboresha upatikanaji wa mahitaji muhimu. Mpango huo umebuniwa kwa kuzingatia umuhimu wa uimarishaji rasilimali watu kwa kaya lengwa zilizochaguliwa kwa vigezo vilivyowekwa na kuzingatia masuala yanayohusiana na Afya, Lishe na Elimu. Lengo kuu la Mpango ni kuzipatia ruzuku Kaya za walengwa ili kumudu mahitaji ya msingi, kuwekeza katika shughuli za uzalishaji na kujiongezea kipato na hatimaye kutoka katika hali ya umaskini sana.

Bwana Magesa alieleza, Utimizaji wa masharti Elimu na Afya Jumla ya watoto 1,077wamenufaika na ruzuku ilitolewa kwa kutimiza masharti ya elimu na afya. Watoto1,018  wa shule za msingi  na sekondari walipata ruzuku ya sh. 2000 - 6000 kwa mwezi kwa kila mtoto. Watoto  59 chini ya miaka  (0-5)  walinufaika  na  ruzuku ya sh.5000 kwa  mwezi kwa kila mtoto. Ruzuku hizo huongeza kipato katika kaya na pia kununua mahitaji muhimu ya watoto ikiwepo uniform, daftari, chakula, madawa na michango midodgomidogo endapo itatokea ambapo awali ilikuwa vigumu kutimiza huduma hizo katika kaya.