TUNDUMA KINARA KUTUMIA MIFUMO NCHINI

Imewekwa : October 25th, 2022

Halmashauri ya Mji Tunduma imeshika nafasi ya kwanza nchini kwa kigezo cha matummizi sahihi na mazuri/makubwa ya mfumo wa kukusanya mapato uitwao TAUSI

Haya yote yanatokana na usimamizi mzuri wa matumizi ya mifumo ya kukusanyia mapato ambayo imetengenezwa na Serikali ya Jamhuri ya Muungano wa Tanzania kwa lengo la kudhibiti mianya ya upotevu wa mapato

Akiongea kwa simu Mkurugenzi wa Halmashauri ya Mji Tunduma Philemon Mwita Magesa amesema

“Manufaa haya yote tunayapata leo Halmashauri ya Mji Tunduma ni vile tumeamua kwa dhati kutekeleza kwa vitendo maagizo toka kwa Rais wa Jamhuri ya Muungano wa Tanzania na Serikali yake ya awamu ya 6 Mhe. Samia Suluhu Hassan katika suala zima la kusimamia Mapato ya Halmashauri ili tukatekeleze miradi ya Maendeleo na kutatua kero za wananchi”

Vigezo vikubwa vilivyotumika katika kupima Halmashauri ni

• Idadi ya PoS zilizosajiliwa na kutumia mfumo
• Mapato yanayokusanywa na Halmashauri
• Upelekaji wa fedha zinazokusanywa benki

Halmshauri zilizo ongoza kwa matumizi mazuri/makubwa ya mfumo wa Tausi nchini kwenye kipengele cha POS kwa miezi mitatu kuanzia Julai mpaka Septemba 2022.

1.Tunduma TC

2.Mkuranga DC

3.Mbinga DC

4.Ulanga DC

5.Iringa DC

6.Ludewa DC

7.Babati TC

8.Kalambo DC

9.Kibaha TC

10.Meru DC

Sanjari na ushindi huo, Halmashauri ya Mji Tunduma kupitia mifumo kwa muda wa miezi mitatu yaani mwezi Julai hadi Septemba ya mwaka wa fedha 2022/23, imekusanya Shilingi Bilioni 3,702,234,705.65/= sawa na ufanisiwa 176.31% ya lengo la kukusanya Shilingi Bilioni 2, 099, 900, 000/=

Pia Halmashauri imepeleka fedha kutekeleza miradi ya maendeleo Bilioni 2,218,169,800/= sawa  na ufanisi wa 104.08% ya  lengo la kupeleka Shilingi Bilioni 2,131,314,870.39 kwa kipindi cha miezi mitatu yaani Jula – Septemba 2022