TUNDUMA KINARA UKUSANYAJI WA MAPATO ROBO YA KWANZA MKOANI SONGWE

Imewekwa : November 11th, 2022

Halmashauri ya Mji Tunduma imepongezwa katika Ukusanyaji wa Mapato kwa kipindi cha Robo ya kwanza ya Mwezi Julai hadi Septemba 2022

Pongezi hizo amezitoa Mkuu wa Mkoa wa Songwe Mhe. Waziri Kindamba wakati akifungua Kikao kazi cha Tathmini ya Utekelezaji wa Shughuli za Halmashauri kilichofanyika katika Ukumbi wa Ofisi ya Mkuu wa Mkoa

Mkurugenzi wa Halmashauri ya Mji  Tunduma wakati akipokea pongezi hizo alieleza mambo ambayo Tunduma inafanya hadi kufikia mafanikio hayo

Jambo la kwanza ni Halmashauri ya Mji Tunduma kuwa na Kanzi Data ya biashara na Maduka yote. Hii imechangia sana ukuaji wa mapato katika Halmashauri

“Ukiwa na takwimu za biashara zako utajua unatakiwa kukusanya fedha kiasi gani, lakini kama huna takwimu huwezi kuwa na uhalisia wa makusanyo ndio maana Leo Tunduma tunaweza kwani tunajua nani hajalipa kutokana na takwimu zetu” alisema Mkurugenzi Magesa

Pili ni kuunda kikosi kazi cha kukusanya mapato, Halmashauri ya Mji Tunduma nimeunda kikosi kazi maalumu kwa ajili ya kukusanya mapato. Kikosi kazi hiki kinafanya doria usiku na mchana kwa kuhakikisha hakuna mapato yanayotoroshwa kwenda nje ya Halamshauri bila kulipa

Tatu ni Kutenga Gari maalumu kwa ajili ya kikosi kazi, Halmashauri ya Mji Tunduma imetenga gari maalumu kwa ajili ya kikosi Kazi cha kukusanya mapato. Gari hili haliguswi na shughuli nyingine yoyote katika Halmashauri isipokuwa kikosi cha Mapato tu.

Nne ni kupeleka Fedha benki Halmashauri ya Mji Tunduma inahakikisha kila siku mkusanya mapato halali na pesa nyumbani. Kila siku jioni lazima Afisa Mapato aandae bill na kuwapatia wakusanya mapato wote na kuwataka wapeleke Fedha Benki na ukaguzi Unafanywa na Afisa mapato kujua kama pesa imeingizwa kwenye akaunti husika

Kwa upande wake Mweka hazina wa Halmashauri ya Mji Tunduma Ndugu Dickson Mgawe alieleza mikakati ya Halmashauri ya Mji Tunduma ni kuibua na kuanzisha vyanzo vipya kila mwaka ili kuhakikisha Tunduna inaendelea kupata mapato mapya

“Tunduma tumekuwa tukijitahidi kila mwaka kuibua vyanzo vipya na kuvirekebisha vile tunavyoona havifanyi vizuri na kuviwekea mkakati maalumu katika kuvihuisha ili viweze kufanya vizuri” alisisitiza Mweka hazina Mgawe