TUNDUMA YAENDELEA KUJITANGAZA KIMATAIFA KWA FURSA ZA UTALII NA UWEKEZAJI

Imewekwa : November 12th, 2022

Halmashauri ya Mji Tunduma inaendelea kufanya vizuri katika kujitangaza kwa vivutio vyake vya utalii kama njia ya kuingiza mapato hususani kwa wageni

Mkurugenzi wa Halmashauri ya Mji Tunduma Ndugu Philemon Magesa akiongea wakati wa Ufunguzi wa Maonyesho ya Utalii nyanda za juu kusini unaoitwa UTALII NA UWEKEZAJI KUSINI FAHARI YETU 2022 uliofanyika katika Viwanja vya Kihesa – Kilolo mkoani Iringa alisema kuwa Tunduma tumeamua kujumuika na watanzania wengine katika kuzitangaza Fursa za Utalii na Uwekezaji zinazopatikana katika Mji wa Tunduma

“Tunduma ni Mji wa Kitalii hivyo tunapaswa kujivunia na tunawakaribisha watu mbalimbali kuja kuwekeza au kutalii kwani ni sehemu salama Zaidi kwa uwekezaji na kuishi, karibuni sana ndani ya Mji wa Tunduma” alisema Mkurugenzi Magesa

Mkuu wa Kitengo cha Maliasili na Utalii Ndugu Zawadi Mwampashe amesema kuwa Halmashauri ya Mji Tunduma ina vivutio vingi sana ambavyo watu wengi hawavijui ndio maana tumekuja kuwaeleza nini kinapatikana Tunduma

“Tunduma ni Mji wa kitalii una vivutio vingi sana ambavyo wengi hawavijui tumekuja hapa tunawatangazia watu vivutio vya utalii pamoja na fursa nyingi zinazopatikana Tunduma pamoja na kuwepo viwanja vinavyoendelea kuuzwa ndani ya Mji wa Tunduma” alisisitiza Mwampashe

Tuduma ni Mji pekee kwa mikoa ya nyanda za juu kusini ambao unapakana na nchi mbili yaani Zambia na Malawi, pia ni Lango kuu la SADC kwa maana watu wote wanao ingia Tanzania Kutokea nchi za Congo DRC, Zambia, Zimbabwe, Namibia na Afrika kusini zote zinaitegemea Tunduma kama lango la kuingia na kutoka Tanzania

Muingiliano wa watu ni mkubwa sana takribani zaidi ya wageni 2500 kwa siku huingia na kutoka ndani ya Mji wa Tunduma wakitokea Nchi jirani ya Zambia

Kwa upande wake Afisa Utamaduni na Michezo Ndugu Rashid Mwalugi alikuwa na mengi ya kuwaelekeza wageni katika Banda la Mkoa wa Songwe ambapo Tunduma pia imo juu ya fursa na vitu vya asili ambavyo mgeni akija Tunduma hawezi kuchoka kuviona

“Licha ya kuwa Tunduma ni Mji wa Kibiashara lakini unamambo mengi ya asili ambayo yanavutia kuonwa na watu wa rika zote watoto na watu wazima, hapa ni baadhi tu mengi Zaidi karibuni Tunduma mjionee mambo mengi ya kiasili” alisema Mwalugi