TUNDUMA YAJIPANGA KUMALIZA TATIZO LA UDUMAVU

Imewekwa : April 13th, 2023

Na William Maganga – Tunduma

Halmashauri ya Mji Tunduma moja kati ya halmashauri za mkoa wa Songwe, pia inakabiliwa na changamoto ya hali ya lishe duni. Kulinga na na takwimu za kitaifa zinaonyesha kua hali ya udumavu 32% na kwa mkoa wa Songwe ni 31.9%, ambayo kimsingi ni kiashiria cha uwepo wa utapiamlo kwa kiwango kikubwa.

Jambo hili linaifanya Halmashauri ya Mji Tunduma katika kubuni mbinu katika kukabiliana na Udumavu wa Watoto  

Kaimu Mkurugeni wa Halmashauri ya Mji Tunduma Ndugu Lusajo Mwalukasa amesema kuwa Halmashauri imeweka mikakati kwa kutoa pes ana vifaa kwa ajili ya kuwezesha kitengo cha lishe kufanya kazi zake nia ni kuondoa Udumavu Pamoja na Utapiamlo unaowakumba Watoto wadogo

Akiongea baada ya kikao cha kamati ya Lishe Bi. Frida Muhindi ambaye ni Afisa Lishe wa HAlmashauri ya Mji Tunduma amesema kuwa

“Matibabu ya watoto wanaogundulika kuwa na utapiamlo mkali ya naendelea katika vituo teule vya kutolea huduma hiyo. Jumla 17 wenye utapiamlo mkali wametibiwa katika kituo cha afyaTunduma”

Huduma ya ulishaji wa watoto wachanga na wadogo inatolewa katika vituo vyote vya huduma za afya katika Halmashauri ya mji ya Tunduma. Elimu ya namna nzuri ya kuimalisha lishe wakati wa ujauzito, unyonyeshaji na ulishaji wa Watoto wachanga na wadogo hutolewa kila siku katika maeneo ya kliniki ya huduma za afya ya uzazi na mtoto, jumla ya watoto wachanga 3,623 wanapatiwa maziwa ya mama pekee ndani ya miezi 6.

Jumla ya watoto 18,166 waliochunguzwa hali za lishe na walezi kupatiwa unasihi wa lishe. Baada ya uchunguzi watoto 724(4.0%) walikuwa na uzito pungufu kiasi na watoto 100 (0.6%) walikuwa na uzito pungufu sana Watoto 474 (2.6%) walikuwa na ukondefu kiasi na watoto 124(0.7%) walikuwa na ukondefu saana.

Bi. Frida aliendelea kusema Vidonge vya madini chuma vinaendelea kutolewa katika kliniki ya wajawazito kwenye vituo vya kutolea huduma ili kupunguza matatizo yatokanayo ukosefu wa madini hayo. Jumla ya wajawazito 4,253 kati ya 6,518(65.3%) waliohudhuria kliniki walipatiwa vidonge vya madini chuma kati mwezi Januari na Machi 2023, hivyo kuongeza damu mwilini.

Utoaji wamatone ya vitamin A kwa watoto chini ya miaka mitano unafanyika kwa Watoto wanaotakiwa kupata kwa utaratibu wa kawaid ambapo jumla ya watoto 12,401wamepatiwa vitamin A, na watoto 6,008 wamepatiwa vidonge vya minyoo.