TUNDUMA YAKAMILISHA VYUMBA 54 VYA MADARASA NA CHENJI YA MILIONI 16.4

Imewekwa : December 7th, 2021

TUNDUMA: Halmashauri ya Mji wa Tunduma imekabidhi rasmi vyumba vya madarasa 54 kwa Mkuu wa Songwe, Mhe. Omary Mgumba ambavyo vimejengwa kwa Fedha Bilioni 1 na Milioni 80 kutoka Mpango wa Maendeleo kwa Ustawi wa Taifa na mapambano dhidi ya UVIKO-19.

Mkurugenzi wa Halmashauri ya Mji Tunduma, Ndg. Philemon Magesa amesema katika ujenzi wa vyumba vya madarasa wamefanikiwa kubaki na fedha Milioni 16.4.

Kazi zilizofanyika ni Ujenzi wa Madarasa 52 katika Shule za Sekondari 11 na Madarasa 02 katika Shule Moja shikizi- Mbezuma na kufanya jumla ya Madarasa 54. Aidha bweni la Watoto wenye Mahitaji Maalum katika Shule ya Msingi Katete lipo katika hatua ya Renta. Vifaa vya ujenzi na Mahitaji yote vimenunuliwa tunategemea Bweni kukamilika tarehe 31/12/2021 badala ya Mwezi April sawa na Mwongozo. Ili Januari  Watoto waanze kutumia kwa kuwa Vitanda vyote vimeanza kutengenezwa.

"Kila darasa tumefanikiwa kuweka viti 50 pamoja na meza yake, kuweka marumaru na mahitaji yote ambayo yanapaswa kuwekwa" Magesa Philemon

Pia Mkurugunzi Magesa alisema "Tunaishukuru Serikali ya Awamu ya Sita kwa kutuletea fedha hizi kwani hakutakuwa na upungufu wa Madarasa kwa ajili ya Wanafunzi wa Kidato cha Kwanza 2022. Halmashauri ya Mji Tunduma tupo tayari kukabidhi Mradi huu wa Madarasa 52 Kwa Mkuu wa Mkoa Tarehe 07/12/2021. Madarasa yote yakiwa yamekamilika kwa asilimia 100% na kuwekwa Viti na Meza 50 kwa kila darasa"

Mkuu wa Mkoa ameupongeza Uongozi wa Tunduma kwa kufanikisha kukamilisha ujenzi wa madarasa kwa viwango na kubakiza chenji ambazo amemuagiza Mkurugenzi kununua samani za waalimu kupitia chenji iliyobaki kwa kila Shule.