TUNDUMA YAMUUNGA MKONO RAIS SAMIA KWA VITENDO

Imewekwa : August 18th, 2023

Jak real estate investment kikundi cha vijana wasomi wenye taaluma ya mambo ya ardhi walionufaika na mikopo ya 10% kutoka Halmashauri ya Mji Tunduma ambao walianza kukopeshwa milioni 20 na hadi kufikia milioni 60.

Mwenyekiti wa kikundi Jak Real estate investment, Ndg. John Ambukeghe Mwasopo amesema kwa sasa wanafanya kazi za Kuwekeza katika ardhi, Kuelimisha Jamii juu ya namna bora ya uendelezaji wa ardhi, Kupanga na kupima ardhi, Kufanya uthamini wa mali, Kununua na Kuuza viwanja vilivyopimwa, Kusanifu Ramani za majengo, Kupima na kuandaa ramani za miundombinu kama umeme, maji, barabara, reli na kadhalika na Kutoa ushauri wa kitaalamu kwa masuala yote yahusuyo ardhi.

"Tunamshukuru Mhe. Dkt. Samia Suluhu Hassan Rais wa Tanzania kwa kuwezesha fursa ya mikopo ya 10% kutoka kwenye mapato ya ndani ya Halmashauri, sisi vijana imetusaidia sana kwani hadi sasa kipato cha mwanachama moja moja kimekuwa" John Ambukeghe Mwasopo.

Mkuu wa Wilaya ya Momba, Mhe. Fack Lulandala amewapongeza vijana hao wasomi kwa maamuzi yao ya kuunda kikundi cha kitaaluma na kuweza kunufaika na mkopo wa 10% kutoka Halmashauri.

Pia, Mhe. Fack Lulandala ametoa wito vijana wasomi kuunda vikundi kutokana na taaluma zao na Halmashauri itakuwa wadhamini ili waweze kupata mikopo kutoka kwenye Taasisi za kifedha.

Mkuu wa Wilaya ya Momba, Mhe. Fack Lulandala ametoa wito kwa Taasisi za umma na watu binafsi kufanya kazi na kikundi cha Jak Real estate investment ili liweze kukua kiuchumi na kuwaajiri vijana wengi zaidi.

"Kwa kweli hapa nimefarijika kusikia Taasisi za umma kama TANESCO, TANROADS, TARURA na Halmashauri ya Mji Tunduma kuwaamini vijana hawa na kufanya nao kazi, asanteni sana Taasisi zote ambao mumefanya kazi na kikundi hiki" Mhe. Fack Lulandala.