TUNDUMA YATOA MIKOPO YA 252,422,500/= KWA WANAWAKE, VIJANA NA WATU WENYE ULEMAVU

Imewekwa : December 22nd, 2021

TUNDUMA: Naibu waziri OR-TAMISEMI Mhe. David Silinde akiwa mgeni Rasmi katika hafla ya utoaji mikopo hiyo na alikuwa na haya ya kusema

Napenda kuchukua nafsi hii kumpongeza Mkurugenzi wa Halmashauri ya Mji Tunduma kupitia Idara ya Maendeleo ya Jamii kwa kazi nzuri wanazofanya katika kuhakikisha Maendeleo na Ustawi wa wananchi unafikiwa.

Napenda kutoa shukrani zangu za dhati kwa Uongozi wa Halmashauri wa kuviwezesha vikundi vya wanawake,vijana na watu wenye ulemavu kwa kuvipatia mikopo yenye masharti nafuu  na  isiyo kuwa na riba. Vile vile nichukue fursa hii kuwapongeza wakuu wa Idara wa sekta za uzalishaji, Maafisa maendeleoya Jamii,MaafisanUstawi wa Jamii na  Maafisa ugani  ngazi za kata kwa kuhamasisha Jamii kuunda vikundi  pamoja kuvisajili ikiwa  ni pamoja na  kutoa miongozo na mafunzo mbalimbali na hatimaye na vigezo vya kuweza  kupata mikopo.

Pia nichukue nafasi hii kumpongeza Mheshimiwa Rais wa Jamuhuri ya Muungano wa Tanzania Mama yetu mpendwa Samia Suluhu Hassan pamoja na Viongozi wote walio chini yake  kwa kuona umuhimu wa kuwezesha makundi ya wanawake, Vijana na watu wenye ulemavu kwa kuandaa Sheria,Kanuni,Taratibu  na miongonzo mbalimbali inayohusu makundi haya hasa katika kutoa mikopo isiyokuwa na riba na kuwapatia mitaji ya kuanzisha na kuendeleza shughuli na miradi ya makundi haya ili kujiongezea kipato na kupambana na umasikini.

Nafurahi kusikia  na nimeona kwa macho kwamba mikopo hii imewafikia wananchi walio wengi na itasaidia kuinua hali za kiuchumi kwani walengwa wa mikopo hii mtaboresha shughuli zenu za uzalishaji mali na kujiongezea kipato kwa kutumia ipasavyo  mikopo hii .

Ni matarajio yangu kuwa  mikopo  hii  itatumika  kama  ilivyotarajiwa ili kuweza kufikia malengo yenu mliojiwekea sambamba na utekelezaji wa Sera  ya  Maendeleo  ya  Jamii  na  utekelezaji  wa  Ilani ya Chama  cha  Mapinduzi  (CCM)  ya Uchaguzi  Mkuu  wa mwaka 2020, Lengo  ni kuwawezesha wananchi kiuchumi ili kujiletea maendeleo endelevu.

Inayotutaka kuhakikisha wananchi wanawekewa mazingira mazuri ili waweze kushiriki kikamilifu katika shughuli za Maendeleo, ni pamoja na kuwapatia mitaji wanawake, vijana na watu wenye ulemavu

kupitia mikopo yenye masharti nafuu, kuwezesha vijana, wanawake na makundi mengine ya wajasiriamali kujiajiri.

Pia naomba nichukue fursa hii kuwapongeza wanavikundi mlio bahatika kupata mikopo kwa miaka ya nyuma toka utaratibu huu ulipoanzishwa na Serikali yetu ya Jamhuri ya Muungano wa Tanzania wa kuwawezesha wananchi kiuchumi kupitia utoaji wa mikopo kwa vikundI , pia nimetaarifiwa kuwa  Siku ya leo mikopo yenye thamani ya shilingi 252,422,500/=  inatolewa kwa vikundi vya wanawake 9 shilingi 121,000,000.00 vikundi vya vijana 4 shilingi  99,000,000.00 na  kwa  watu wenye ulemavu 6  shilingi 32,422,500.00

 Fedha hizo zinakwenda kutekeleza ukuzaji wa mitaji , uchumi na ununuzi wa vifaa na vyombo vya usafiri katika ngazi  za  vikundi  kwa kutekeleza miradi ainishwa ambayo ni shughuli za usafirishaji (bodaboda na bajaji), uongezaji mnyororo wa thamani,utengenezaji wa Batiki, Sabuni za maji na miche ,ununuzi wa nafaka, ufugaji wa kuku na Ng’ombe, ununuzi  na uuzaji  na usafirishaji wa Samaki wakavu, ukoboaji na uuzaji  mchele, ununuzi na  uuzaji viazi mviringo na matunda, utengenezaji vifungashio (bahasha), uuzaji mahitaji ya nyumbani na utengenezaji wa keki, uboreshaji wa duka la Nyama,uboreshaji wa saloon ambapo shughuli hizo nimeziona hapo nje nilipokagua shughuli za vikundi nawapongeza sana kwa jitihda hizo zilizoanza kuonekana.

Fedha hii mkaitumie kama mlivyoomba na nimesikia  wengine tayari mmeshanunua Vifaa na bidhaa kwa ajili ya miradi yenu ili kujiongezea kipato, ninaamini kuwa vikundi hivi vimechaguliwa kwa kuzingatia vigezo muhimu vilivyopo kwenye Sheria ,Kanuni na miongozo ya utoaji wa mikopo hii.

Hivyo basi ni matumaini yangu mikopo hii mnayoipata leo itaanza kurejeshwa kwa kufuata utaratibu mliowekewa na kuzingatia vipengele vyote vilivyosainishwa kwenye mkataba wa mikopo hii.

Kumbukeni kuwa mikopo hii sio Zawadi na wala siyo Fedha za kwenda kugawana hivyo basi ni vema ikarejeshwa kwa wakati ili kuwawezesha wanavikundi wengine kunufaika na mikopo hii. Vilevile sitegemei kuona kikundi chochote kinachukuliwa hatua za kisheria kutokana na kushindwa kurejesha mikopo kwa wakati. Iwapo kitatokea kikundi   kitavunja makubaliano  ya  kwenye  mkataba  kikundi  kitafikishwa  kwenye vyombo vya Sheria  kama sheria inavyosema atakayetumia fedha za Mkopo uliotolewa chini ya kanuni hizi kwa matumizi ambayo hayakuidhinishwa na Kamati ya Fedha na Utawala au atakayetoa taarifa za uongo kwa lengo la kujipatia mkopo huu atakuwa ametenda kosa na endapo atatiwa hatiani atatozwa faini ya kiasi kisichopungua shilingi laki mbili na kisichozidi shilingi milioni moja au kutumikia kifungo kisichopungua miezi kumi na mbili na kisichozidi miezi ishirini na nne.