Ujenzi wa Barabara Kiwango cha Lami Sogea - Transifoma Yawekwa Jiwe la Msingi

Imewekwa : September 4th, 2024

Na Benton Nollo, TTC 

Kiongozi wa Mbio za Mwenge wa Uhuru Kitaifa 2024, Godfrey Eliakimu Mnzava ameweka Jiwe la Msingi matengenezo Barabara ya Sogea - Transfoma yenye urwfu wa kilomita 0.9 kwa kiwango cha lami nzito (Asphalt Concrete), Kata ya Uwanjani katika Halmashauri ya Mji Tunduma wilayani Momba tarehe 04 Septemba 2024.

Mradi huo ambao unatekelezwa na Kampuni ya Mehrab Construction Ltd, mpaka kukamilika kwake utagharimu shilingi milioni 950 kwa kutekeleza kazi za kuandaa tutti la barabara kwa kujaza, kukata na kuchonga tabaka la udongo wa juu, kuweka changarawe (Improved subgrade) na kuweka changarawe iliyochanganywa na saruji (sub-base).

Kazi nyingine zilizotajwa ni kuweka mawe yaliyosagwa (CRR), kuweka lami nzito (Asphalt Concrete), kujenga mifereji na kujenga makalavati.

Kukamilika kwa Mradi huo unaosimamiwa na Wakala wa Barabara za Vijijini na Mijini Tanzania - TARURA kupitia bajeti ya mwaka wa fedha 2023/2024, utasaidia kuondoa vumbi kwa Wananchi wanaoishi pembezoni mwa barabara, utasaidia kupunguza msongamano wa magari katikati ya Mji kwa magari yanayokwenda Sumbawanga na maeneo mengine  yatatumia barabara hiyo.

Pia, barabara hiyo itakuwa ni njia mbadala kwa Barabara ya TAZAM na Tunduma - Sumbawanga. Aidha, kukamilika kwa barabara hiyo kutasaidia kuongeza kipato kwa Wananchi kwa kufungua biashara mbalimbali pembezoni mwa barabara hiyo.

Matukio katika Picha: