Vyombo vya Ulinzi, Usalama Vyaimarisha Ushirikiano

Imewekwa : April 16th, 2025

Na Benton Nollo, TTC

Vyombo vya Ulinzi na Usalama mkoani Songwe tarehe 16 Aprili 2025 vimefanya "route march" iliyoanzia Sogea Stendi hadi Uwanja wa Shule ya Sekondari Nyerere ambapo zoezi hilo limeongozwa na Mkuu wa Oparesheni Mkoa wa Songwe, Kamishna Msaidizi wa Polisi - ASP Nicholas Livingstone.

Kwa mujibu wa Kamishna Nicholas, route march hiyo ni utekelezaji wa maagizo ya viongozi yanayotaka vyombo vyote vya ulinzi na usalama kufanya mazoezi kama haya mara kwa mara ili kuimarisha mshikamano na ufanisi wa utendaji kazi.

Mazoezi hayo yamehusisha vikosi mbalimbali vya ulinzi na usalama, ikiwa ni pamoja na Jeshi la Wananchi wa Tanzania (JWTZ), Jeshi la Polisi, ldara ya Usalama wa Taifa, Jeshi la Magereza, ldara ya Uhamiaji, Jeshi la Zimamoto na Uokoaji pamoja na Jeshi la Akiba.

Aidha, ametoa wito kwa vyombo vya Ulinzi na Usalama kutoishia kufanya mazoezi haya mwishoni mwa mwezi pekee, bali kuendeleza utaratibu wa mazoezi ya mara kwa mara kwa kila mmoja binafsi, kwani mazoezi ni afya.

 Zoezi hilo ni muhimu katika kudumisha mshikamano mkubwa kati ya vikosi mbalimbali vya ulinzi na usalama, likiwa ni hatua muhimu katika kuimarisha ushirikiano na utayari wa pamoja katika kulinda amani na usalama wa Wananchi wa Mkoa wa Songwe.

Matukio katika Picha:

(Picha zote na Benton Nollo, TTC).