WAFANYABIASHARA LIPENI KODI NA TOZO ILI TUTEKELEZE MIRADI YA MAENDELEO_Ayubu Mlimba

Imewekwa : September 3rd, 2022

Mwenyekiti wa Halmashauri ya Mji Tunduma Mhe. Ayubu Mlimba ameongoza mkutano wa hadhara katika soko kuu la Halmashauri ya Mji Tunduma lililopo kata ya Tunduma

Lengo kuu ni kuonana na wafanyabiashara na kujua chanagamoto zao katika uendeshaji wa soko na biashara kwa ujumla

Pia mwenyekeiti Mlimba alisema kuwa kutokana na kupanda kwa Gharama za maisha na uendeshaji wa Masoko hapa Tunduma, Halmashauri imeamua kuongeza kodi ya pango kwa vibanda ili kuendana na maisha yaliyopo. Mheshimiwa Mlimba aliendelea kuwaambia kuwa jinsi wanavyolipa kodi ndio miradi inavyoendelea kutekelezwa kwa kasi na uimara wa hali ya juu. Lipeni kodi ili tuijenge Tunduma yetu

Akisoma kodi hizo kwa niaba ya mkurugenzi Afasa Biashara wa Halmashauri ya Mji Tunduma Ndugu Charles Mazengo alisema kuwa awali kulikuwa na kodi kama ifuatavyo kwa vibanda vya nje vilikuwa vinalipwa kwa mwezi mmoja 70,000/= halafu vya ndani 50,000/= kwa 30,00/=

Kwa sasa itakuwa kwa mwezi mmoja vibanda vya nje vitakuwa 100,000/= na ndani itakuwa 70,000/= kwa 40,000/=

Jafari Pimbi mfanyabiashara aliomba Halmashauri ipunguze bei ili kuwapunguzia mzigo kwani wao ni watumwa wa mikopo kwa taasisi za fedha ikiwemo Banki na asasi za mikopo

Daniel mwakamela bei zilizotangazwa sio rafiki maana wafanyabiashara wadogowadogo ni wengi hivyo tunaomba mtupunguzie bei kwani maisha yao pia ni magumu.

Mkurugenzi wa Halmashsuri ya Mji Tunduma Philemon Magesa aliwaeleza wafanyabiashara kwanini bei hizo zinaongezeka, kwani Miradi ya maendeleo mingi inayojengwa na kutekelezwa na Halmashauri kwa mapato ya ndani ikiwemo Kituo cha Afya Chapwa, Shule ya Msingi ya Ghorofa ya Haisoja na miradi mingine mingi.

Wafanyabiashara walielewa na kuahidi kutoa ushirikiano kwa serikali na kujenga uchumi wa Tunduma nanchi kwa ujumla