WALIOSHINDWA KUMALIZIA UJENZI SOKO LA TAZARA WAMEVUNJA MKATABA WENYEWE _ Mhe. MLIMBA

Imewekwa : August 29th, 2022

Mwenyekiti wa Halmashauri ya Mji Tunduma Mhe. Ayubu Mlimba amesema wale wote waliopewa nafasi ya kujenga vibanda katika Soko la TAZARA wamekosa sifa wenyewe baada ya kukiuka makubaliano yaliyofanyika kwa njia ya Mikataba ya Ujenzi

Mhe. Mlimba ameyasema hayo mapema leo alipokuwa akiongea na wafanyabiashara hao waliopewa mikataba ya ujenzi wa Soko hilo

Katika maelekezo yake Mhe. Mlimba amesema kuwa Vibanda vyote ambavyo havijaezekwa kwa mujibu wa sheria na taratibu tunaivunja mikataba yote kuanzia leo na vitakuwa mali ya Halmashauri ya Mji Tunduma

Aidha Mhe. Mlimba amemwagiza Mwanasheria kwa niaba ya Mkurugenzi kuanza kugawa vibanda hivyo kwa yeyote aliye tayari kuomba upya ili apatiwe Kibanda kwa ajili ya ujenzi  na awe tayari kukamilisha ujenzi huo ndani ya muda mfupi uliopangwa. Yeyote ambaye hatakuja kujaza fomu hizo hana nafasi tena ya kupata CHUMBA kingine

Fomu hizo zitatotewa kwa muda wa siku mbili na watakao husika ni wale tuuu walio vunjiwa mikataba yao, tunaanza kazi upya ya ujenzi wa Soko kwa Kasi ili ndani ya mwezi huu wa Tisa Soko lianze mapema

Hatuwezi kukwama kwa sababu ya watu wachache na kulingana na mikataba hiii mmevunja wenyewe

Pia Mhe. Mlimba amewaambia wafanyabiashara kuwa soko hilo linafanyiwa maboresho na kufanya katikati kuwe na bishara za wajasiriamali ili kuwavutia wateja wengi zaidi

Akiongea kwa niaba ya Wafanyabiashara wa Soko hilo ndugu Herode Jivava amemshukuru sana Mwenyekiti wa Halmashauri ya Mji Tunduma kwa Uamuzi wake yeye na Halmashauri kwa kupitia balaza la Madiwani kukubali marekebisho ya ujenzi wa Soko la TAZARA kwani kilio chao kikubwa ilikuwa ni kuwepo eneo wa wajasiriamali ili soko hilo lichangamke haraka