WANAFUNZI KIDATO CHA SITA WAANZA MITIHANI LEO

Imewekwa : May 2nd, 2023

Na William Maganga Tunduma TC

Jumla wa watahiniwa 223 leo Mei 2,2023 wanaanza kufanya mtihani wa kidato cha sita kama  sehemu ya kujitathmini kwa Mafunzo waliyoyapata ndani ya miaka sita rasmi tangu walipoanza kidato cha kwanza.

Mkurugenzi wa Halmashauri ya Mji Tunduma Philemon Magesa ametoa takwiu hizo huku akisema Halashauri ya Mji Tunduma kwa sasa shule tatu ambazo zinawahitimu wa kidato cha sita. Kati ya wanafunzi 223, wanafunzi 98 ni wasichana na 125 ni wavulana

Huu ni mfululizo wa kujitathmini kwao kwani miaka miwili iyopita walifanya hivyo kitaifa wakiwa kidato cha nne na walifaulu kuendelea na masomo ya kidato cha tano na sita.

Akiongea wakati wa kutoa taarifa hiyo Afisa Elimu Sekondari Bi. Patricia Mbigili amesema watahiniwa wote wameandaliwa kwa weledi mzuri hivyo anaamini watafaulu na amewataka kila mtahiniwa kuyatumia vema maarifa aliyoyapata kutoka kwa walimu.

“Sina wasiwasi na watahiniwa hawa kwani katika mtihani wa Utimilifu wa mkoa (mock) wote 223 walipata (Division I & II) na kuongoza Kimkoa wala hatukuwa na daraja la III, IV, au 0. Kwahiyo Halmashauri tunajivunia sana wanafunzi hawa na tunaimani nao kuwa watafanya vizuri Zaidi katika Mitihani hii ya Taifa” alisisitiza Bi. Mbigili

Awali Rais wa Jamhuri ya Muungano wa Tanzania Dkt.Samia Suluhu Hassan amewatakia kila la kheri katika mtihani wao huku akiahidi kuwa Serikali yake itaendelea kuhakikisha inaandaa Mazingira bora katika safari yao kuelekea hatua za mbele ikiwemo vyuo vya ufundi, vyuo vya kati na vyuo vya Elimu ya juu.

Mtihani huo utafikia tamati tarehe 22 Mei,2023 nchi nzima.