Wananchi Wanatarajia Uongozi Bora Kutoka Kwenu: DC Mwandobo

Imewekwa : March 5th, 2025

Wananchi Wanatarajia Uongozi Bora Kutoka Kwenu: DC Mwandobo

Na Benton Nollo, Tunduma TC

Mkuu wa Wilaya ya Momba, Mhe. Elias Mwandobo amesema Wananchi wa Halmashauri ya Mji Tunduma wanatarajia uongozi bora na wenye matokeo katika kutatua changamoto zinazowakabili kwenye maeneo yao.

Mhe. Mwandobo ameyasema hayo alipokuwa akifungua mafunzo maalum kwa Wenyeviti wa Serikali za Mitaa wa Halmashauri ya Mji Tunduma, ambayo yamefanyika kwenye Ukumbi wa Mikutano wa Halmashauri hiyo tarehe 05 Machi 2025.

Mhe. Mwandobo amesema anaamini mafunzo hayo yatakuwa na tija kwa viongozi hao katika kuwahudumia na kuwaletea maendeleo Wananchi wa Mji wa Tunduma.

" Binafsi nina imani mafunzo haya yatakuwa na tija katika uongozi wenu, nendeni mkawatendee haki Wananchi mnaowaongoza kwa kutatua kero na changamoto zinazowakabili." Amesema Mhe. Mwandobo na kuongeza;

"Niwatake mzingatie mipaka yenu ya kiutendaji, maana wapo baadhi yenu wanaingilia maeneo ya wenzao ya kiutendaji na kusababisha migogoro isiyo ya lazima katika jamii"

Aidha, Mhe. Mwandobo amewataka Viongozi hao kusimamia mipango mbalimbali inayoibuliwa na Wananchi katika maeneo yao pamoja na kuwa mstari wa mbele kusimamia utekelezaji wa miradi inayoletwa na Serikali kwani wao ndiyo jicho la awali katika muundo wa Serikali.

Pia, Mhe. Mwandobo amewataka Viongozi hao kusimamia masuala ya usalama katika mitaa yao ili maisha na shughuli za kiuchumi zinazofanywa na Wananchi, zifanyike bila bugdha.

"Bila amani katika maeneo yenu ya kiutawala, utulivu hautakuwepo, Wananchi watakuwa na hofu, hivyo ni vema mkadumisha usalama kwa kushirikiana na vyombo vya dola kuwafichua wahalifu au viashiria vyovyote vya uvunjifu wa amani hasa ukizingatia Mji wetu upo mpakani." Amesema Mhe. Mwandobo.

Halmashauri ya Mji Tunduma kupitia Divisheni ya Utawala na Usimamizi wa Rasirimali Watu imeendesha mafunzo hayo ya siku moja kwa Wenyeviti wa Mitaa wote 71 kupitia Wakufunzi kutoka Chuo cha Serikali za Mitaa - Hombolo, Dodoma.

[3:48 PM, 5/6/2025] Joan: Mwenyekiti wa Halmashauri ya Mji Tunduma, Mhe. Ayub Mlimba akizungumza wakati wa kikao cha uhamasishaji kilichofanyika hivi karibuni, kati ya Wajumbe wa Kamati ya Fedha na Utawala, Timu ya Menejimenti ya Halmashauri ya Mji Tunduma pamoja na Wamiliki wa maeneo katika eneo la Mpango wa Mji wa Kisasa lililopo Mtaa wa Katete, Kata ya Chipaka ikiwa ni sehemu za hatua za utwaaji wa eneo hilo kwa ajili ya kulipanga.

Baada ya kikao cha pamoja pande zote mbili zimekubaliana malipo ya fidia kwa Wamiliki hao kuwa ni shilingi 1,500 kwa mita moja ya mraba.

Malipo hayo ni kulingana na uhalisia wa thamani ya ardhi katika eneo hilo la Katete, Kata ya Chipaka ambapo wahusika wameridhia kulipwa kwa thamani hiyo.

Eneo linalotakiwa kupangwa lina ukubwa wa ekari 360 ambapo tayari Ramani ya Mipango Miji imeshaandaliwa na Halmashauri ikiwa ni maandalizi kwa ajili ya ulipaji wa fidia kwa wahusika.

Matukio katika Picha: