WANAWAKE WATAKIWA KUFUATILIA MALEZI YA WATOTO WAO ILI KUPINGANA NA UKATILI

Imewekwa : March 3rd, 2023

Mkuu wa wilaya ya Mbozi  Bi Ester Mahawe   amewaomba wanawake katika Halmshauri ya Mji Tunduma Wilayani Momba kujiweka karibu na malezi ya watoto ili Kupambana na Ukatiili kwa watoto kutokana na kukithiri kwa vitendo vya ubakaji na ulawiti wa watoto.

 Bi Ester Mahawe ameyasema hayo wakati akimuwakilisha Mkuu wa Wilaya ya Momba Fackii Lulandala katika maadhimisho ya Siku ya Wanawake Duniani yaliyofanyika kiwilaya mjini Tunduma Leo Tarehe 03/03/2023 katika  ukumbi wa Shule ya Sekondari Tunduma Tc

"Mungu aliposema Wanawake ni Jeshi kubwa alijua tuna vita nyingi Ikiwemo ya unyanyasaji wa kijinsia Pamoja na changamoto tulizonazo za kukimbizana kutafuta shilingi turudi kule chini ubakaji Leo umekuwa mkubwa Ulawiti umekuwa mkubwa kwasababu akinamama Kuna mahali tumesahau wajibu wetu" alisisitiza Mahawe.

Kwa upande wake Kaimu Mkurugenzi wa Halmshauri ya Mji Tunduma Mwanaisham  Nasoro amesema kuwa swala la Unyanyasaji na ukatili kwa watoto limekothiri kutokana na Muingoliano wa shughuli mbalimbali za Wanawake na wanaume na umri unaoathorika zaidi ni watoto wanotakiwa kuwa shule hivyo wanatamani watoto wote wanaotakiwa kuwa shule waende shule ili kuimarisha ulinzi. wazazi hasa wanawake kuchukua hatua juu ya swala hilo na kama wataendekeza shughuli za kiuchumi kuliko kulea watoto hawawezi kutokomeza swala hilo pamoja na Kujenga Jamii isiyo na usawa hivyo ni jukumu la Serikali na Jamii kutokomeza Ukatili.

Dawati la kupinga Ukatili wa kijinsia kutoka Jeshi la Polisi wilayani Momba Mkoani Songwe limewataka wanawake wilayani humo Kufuatilia kwa Ukaribu Malezi ya watoto ili Kupambana na Ukatili wa kijinsia kwa watoto kutokana na kukithiri kwa vitendo vya Ubakaji na ulawiti wanavyofanyiwa na watu wa karibu

.