WANUFAIKA WA KWANZA MIKOPO YA SIDO WATAKIWA KUWA KIOO KWA WENGINE

Imewekwa : November 16th, 2022

Mkuu wa Mkoa wa Songwe, Mhe. Waziri Kindamba ametoa wito kwa wanufaika wa kwanza wa Mkopo wa Milioni 150 kutoka Shirika la kuhudumia viwanda vidogo (SIDO) kuzitumia fedha kwa malengo na kuzirudiaha kwa wakati hili SIDO waweze kuwakopesha wajasiliamali wengine na kuongeza fedha nyingi kwa Mkoa wa Songwe.

Wito huo umetolewa na Mkuu wa Wilaya ya Momba, Mhe. Fakii Lulandala wakati akimuwakilisha Mkuu wa Mkoa kwenye hafla ya uzinduzi wa mikopo ya SIDO ambayo kwa Mkoa wa Songwe ndio mikopo ya kwanza kutolewa na wajasiliamali 43 wamenufaika mkopo wa Milioni 150.

Mhe. Fakii Lulandala amewataka wajasiliamali 43 walionufaika mkopo kuwa waaminifu katika kurejesha fedha izo kwani wao ni kioo kwa ambao hawajapata mkopo na wakirudisha vizuri SIDO inaweza kuongeza fedha kwa Mkoa wa Songwe.

Pia, Mhe. Lulandala amewataka wajasiliamali kutumia vizuri mkopo katika kukuza biashara zao na kuwa wafanyabiashara wakubwa katika Nchi kama dhamira ya Rais Samia Suluhu Hassan ya kutaka Nchi inakuwa na Mabilionea wazawa.

"Sio sifa Kila siku unajiita mfanyabiashara mdogo mdogo, Serikali ya Rais Samia Suluhu Hassan inahitaji mkuwe zaidi" Mhe. Fakii Lulandala.

Aidha, Mhe. Fakii Lulandala ameziagiza Taasisi zote zilizopo Mkoani zinazohusika na malezi ya wajasiliamali wadogo kuhakikisha wanatoa elimu na kuwalinda ili waweze kukua vizuri wajasiliamali wadogo.

Mtendaji Mkuu wa SIDO, Mhandisi Prof. Sylvester Mpanduji amesema mkopo huu ni wa mzunguko na mjasiliamali atakayefaulu vizuri kurudisha ataweza kukopa zaidi ya kiwango cha awali.

Mjasiliamali aliyenufaika na mkopo wa SIDO, Daud Mrisho ameishukuru Serikali inayoongozwa na Rasi Samia Suluhu Hassan kwa kuweza kuwainua kiuchumi kwa kuwapatia mkopo wa kutoka SIDO na wamehaaidi kwenda kuzitumia vizuri fedha izo.