Waziri Aweso Aagiza Mradi wa Maji Tunduma, Vwawa Kukamilika kwa Wakati

Imewekwa : March 20th, 2025

Waziri wa Maji Mhe. Jumaa Aweso amemuagiza Mkandarasi kampuni ya CCECC ya Nchini China anayetekeleza mradi wa Maji Tunduma - Vwawa kuhakikisha anakamilisha kazi kwa wakati huku akisisitiza kuwa hatavumilia ucheleweshaji wa aina yoyote

Waziri Aweso ametoa maagizo hayo leo tarehe 20 Machi 2025 kwenye hafla ya utiaji saini ya mkataba wa mradi huo unaotekelezwa na Serikali ya Jamhuri ya Muungano wa Tanzania Kwa gharama ya shilingi bilioni 119. 954. Fedha za mapato ya ndani

Lengo kuboresha huduma ya uzalishaji na usambazaji wa Maji katika Miji ya Tunduma na Vwawa kwa kuongeza uzalishaji na usambazaji wa maji ili kumaliza kabisa upungufu wa maji uliopo katika miji ya Tunduma na Vwawa.

Waziri Aweso amesema nguvu zote amabazo Wizara ilikuwa inazitumia kwenye mradi wa Same - Mwanga sasa wanaziamishia kwenye mradi wa Tunduma - Vwawa.

Kwa upande wake Waziri wa fedha Mhe. Dkt. Mwigulu Nchemba amesema Serikali itaendelea kutoa kipaumbele kwenye miradi mbalimbali ya Maji ikiwemo utekelezaji wa Maji wa Tunduma - Vwawa unatekelezwa kwa gharama ya shilingi bilioni 119. 9

Amempongeza Waziri wa Maji Jumaa Aweso kwa kazi kubwa anayofanya.

Matukio katika Picha:

(Picha zote na Julius Evandino, TTC).