WAZIRI KAIRUKI AWAKABIDHI VITENDEA KAZI WAKUU WA MIKOA YA SONGWE NA SHINYANGA

Imewekwa : February 28th, 2023

WAZIRI wa Nchi, Ofisi ya Rais Tawala za Mikoa na Serikali za Mitaa, Mhe. Angellah Kairuki Februari 28, 2023 Mtumba jijini Dodoma amekutana na kuzungumza na wakuu wa mikoa wapya na kuwakabidhi vitendea kazi.

Wakuu wa mikoa hao ni Mhe. Dkt. Francis K. Michael ambaye ni Mkuu wa Mkoa Songwe na Mhe. Christina S. Mndeme Mkuu wa Mkoa Shinyanga .

Waziri Kairuki amewata wakuu hao wa Mikoa kutekeleza kikamilifu majukumu yao ili kutimiza azma ya Mheshimiwa Rais Dkt. Samia Suluhu Hassan ya kuwaamini kumwakilisha katika mikoa hiyo.

Aidha, Waziri Kairuki amewataka wakuu wa mikoa kushirikiana na watendaji wote katika maeneo yao ili kuhakikisha kipaumbele cha Serikali kinachukua nafasi ya kwanza ili kuendana na utekelezaji wa Ilani ya Chama Cha Mapinduzi.

Pia amewataka kujikita kutatua kero za wananchi katika maeneo yao mara zinapojitokeza au kuwasilisha kwenye mamlaka husika ziweke kutafutiwa ufumbuzi haraka iwezekanavyo.