WAZIRI MKUU AFUNGUA KIKAO KAZI CHA 18 CHA MAAFISA HABARI, MAWASILIANO NA UHUSIANO WA SERIKALI

Imewekwa : March 27th, 2023

Waziri mkuu Mhe. Kassim Majaliwa Majaliwa amemuwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan katika Ufunguzi wa kikao KAZI Cha 18 huku akiwataka maafisa habari, Mawasiliano na Uhusiano kutoa habari Kwa wakati Kwa wananchi

"Msisubiri Hadi waandishi wa mitaani wenye nia ovu Kwa Serikali kuchafua ndio mjibu, toeni Taarifa na majibu Kwa wananchi kutokana na hoja au Mambo yanayofanywa na Serikali" Mhe. Majaliwa

Aidha Mhe. Majaliwa amewataka maafisa Habari, Mawasiliano na Uhusiano kutumia vizuri matumizi ya Mitandao ya kijamii katika kuuhabarisha umma kwani Wanachi wengi wanatumia Mitandao hiyo kama vyanzo vya Habari

Waziri mkuu pia ametumia kikao kazi hicho kuwakumbusha watumishi hao kutumia Uzalendo, Uadilifu na uhuru wa Habari kwa maslahi ya nchi kwani wananchi wanahitaji kupata habari hivyo kila Afisa Habari anatakiwa kuwa na Ubunifu ili wananchi wapate taarifa sahihi

Waziri Mkuu ametoa rai hiyo Leo katika ukumbi wa JNICC uliopo Jijini Dar es Salaam ambapo kikao KAZI hicho kinaanza kinafanyika Machi 27 - 31, 2023

Kaulimbiu ya mwaka huu ni "MAWASILIANO YA KIMKAKATI, INJINI YA MAENDELEO"