Waziri Mkuu Kassim Majaliwa Awasili Songwe kwa Ziara ya Kikazi ya Siku Tatu

Imewekwa : November 22nd, 2023

Waziri Mkuu wa Jamhuri ya Muungano wa Tanzania, Mhe. Kassim Majaliwa Majaliwa (MB) amewasili mkoani Songwe leo tarehe 22 Novemba 2023 na kupokelewa na Viongozi mbalimbali ngazi ya Mkoa Wakiongozwa na Mkuu wa Mkoa wa Songwe Mhe. Dkt. Francis Michael katika Uwanja wa Ndege wa Songwe aliyewasili majira ya saa tisa alasiri.

Waziri Mkuu akiwa mkoani Songwe atapata nafasi ya kuzungumza na wananchi, atakagua miradi ya maendeleo pamoja na kuweka jiwe la msingi katika Wilaya za Mbozi na Ileje ambapo kwa Wilaya za Momba na Songwe Mheshimiwa Waziri Mkuu tayari alishafanya ziara mwezi Februari 2023.

Aidha, kwa mujibu wa ratiba iliyotolewa na Ofisi ya Mkuu wa Mkoa wa Songwe, baada ya Mheshimiwa Waziri Mkuu kukamilisha ziara yake katika Mkoa huo, tarehe 25 Novemba 2023 ataongea na Watumishi na kufanya majumuisho ya ziara yake.

Matukio Katika Picha:

Matukio katika picha wakati Waziri Mkuu wa Jamfuri ya Muungano wa Tanzania, Mhe. Kassim Majaliwa Majaliwa (Mb) alipokuwa akiwasili katika Uwanja wa Ndege wa Songwe kwa ziara yake ya kikazi ya siku tatu mkoani Songwe.