MRADI WA UJENZI WA KITUO CHA AFYA MWAKAKATI

Start Date: 2021-07-01

End Date: 2022-10-31

Halmashauri ya Mji Tunduma katika Mwaka wa Fedha 2021/2022 imepokea fedha za TOZO ya Miamala ya simu kwa ajili ya ujenzi wa Kituo cha Afya kinachojengwa katika Kata ya Mwakakati Mtaa wa Merelani. Mradi unatekelezwa kwa Force Akaunti.

Utekelezaji ulianza rasmi 01/03/2022 kwa ujenzi wa jengo la OPD, jengo la Maabara na kichomea taka.  Majengo ya mama na Mtoto, upasuaji na jengo la kufulia ujenzi wake ulianza 01/06/2022. Muda uliopangwa kukamilisha mradi 14/04/2022 kwa jengo la Maabara, 29/04/2022 kwa jengo la OPD na 30/07/2022 kwa majengo ya mama na mtoto, upasuaji na jengo la kufulia.

GHARAMA ZA MRADI

Fedha iliyopokelewa kutoka chanzo cha TOZO za miamala ya simu ni sh 500,000,000/= kutoka mapato ya ndani ya Halmashauri ya Mji Tunduma sh 31,990,498/= na sh. 12,450,000 ni thamani ya nguvu za wananchi hivyo kuufanya Mradi kuwa na thamani ya sh. 544,440,498/= Matumizi sh. 438,564,326.23 kutoka katika fedha za TOZO, 31,990,498 kutoka mapato ya ndani ya Halmashauri, Sh 12,450,000 nguvu za wananchi na bakaa ya fedha za mradi ni sh 61,435,673.77/=

HALI YA UTEKELEZAJI WA MRADI

Hali ya utekelezaji wa mradi hadi sasa ni asilimia 65 na shughuli zilizofanyika ni kama ifuatavyo;

1. Jengo la maabara na OPD yamefikia kwenye hatua ya umaliziaji.
2. Uchimbaji wa kisima umekamilika na kisima kinatumika
3. Kichomea taka kimekamilika
4. Jengo la upasuaji, mama na mtoto lipo katika hatua ya ujenzi wa boma
5. Jengo la kufulia, msingi umekamilika na kazi inayoendelea ni upangaji wa Hardcore

MCHANGO WA WANANCHI KATIKA MRADI

Nguvu za wananchi zilitumika katika kazi ya kusafisha eneo la mradi, Uchimbaji wa shimo kwa ajili ya ujenzi wa choo cha muda na kumlipa mlinzi wa eneo la mradi.

Thamani ya nguvu za Wananchi inakadiriwa kuwa sawa na Tshs 12,450,000/=

MANUFAA YA MRADI

Manufaa ya mradi huu ni Kuimarisha huduma za Afya kwa wakazi wa Kata ya Mwakakati na kwa wakazi wa maeneo Jirani ya Kata zinazozunguka eneo la mradi.

HITIMISHO

Tunamshukuru Mheshimiwa Rais wa Jamhuri ya Muungano wa Tanzania Samia Suluhu Hassan kwa kuendelea kuimarisha huduma za Afya nchini hususani katika Halmashauri ya Mji Tunduma kwa kutupatia fedha za Tozo ili kujenga kituo cha Afya Mwakakati na kutatua changamoto ya upatikanaji wa huduma za Afya kwa wakazi wa Kata ya Mwakakati na Halmashauri ya Mji wa Tunduma kwa Ujumla.

Jengo la wagonjwa wa nnje (OPD)

Jengo la Maabara

HALMASHAURI YA MJI TUNDUMA