UJENZI WA MRADI WA MAJI UHURU

Start Date: 2022-01-11

End Date: 2022-09-30

Mradi wa maji Uhuru-Tunduma unaotekelezwa katika Halmashauri ya Mji wa Tunduma utakapokamilika utaweza kusambaza maji katika Kata za Uwanjani,Tunduma na Makambini , Mradi huu unatekelezwa kwa fedha za Serikali Kuu kupitia Mpango wa Maendeleo kwa Ustawi wa Taifa na Mapambano dhidi ya UVIKO -19 (TCRP)  na Mfuko wa Taifa wa Maji (NWF). Mradi unatekelezwa kwa kutumia Mkandarasi na wataalam wa ndani (force account) ambapo ulianza tarehe 11.01.2022 na unatarajiwa kukamilika tarehe 30.09.2022.

GHARAMA ZA MRADI.

Fedha iliyotengwa kama gharama za mradi huu ni  Sh. 876,753,123.97, ambapo Sh. 504,039,499.01 ni fedha za UVIKO-19,  Sh. 370,032,623.96 ni fedha za Mfuko wa Taifa wa Maji na Sh. 2,681,000 ni thamani ya nguvu za wananchi. Hadi sasa jumla ya shilingi 506,441,288.56 zimetumika kwa kumlipa mkandarasi na ununuzi wa vifaa. Fedha iliyobaki ni Sh.370,311,834.41

UTEKELEZAJI WA MRADI.

Mpaka sasa, ujenzi wa Mradi umefikia asilimia 85 katika Kata za Uwanjani, Tunduma, na Makambini. Kazi zilizofanyika ni Ujenzi wa Tenki la maji lenye ujazo wa lita laki tano (500 000), Ujenzi wa vituo 6 vya kuchotea maji vya malipo ya kabla, Ujenzi wa nyumba ya pampu (Pump house), njia ya Umeme, ufungaji wa pampu, Uchimbaji wa mitaro, na ulazaji wa bomba kwa umbali wa kilomita 10.2.

MCHANGO WA WANANCHI

Wananchi wa Kata za Uwanjani, Tunduma na Makambini wametoa mchango wao kwa kushiriki kwenye shughuli mbalimbali kwenye maeneo ya kujenga vituo vya kuchotea maji na uchimbaji wa mitaro ya kupitisha mabomba. Thamani ya michango wao ni Sh.2,681,000.0

5MANUFAA YA MRADI.

Mradi huu utaongeza upatikanaji wa Maji Safi na salama kwa wananchi wapatao 23,261 na kuongeza upatikanaji wa huduma ya maji kwa asilimia 9.8 kutoka asilimia 65.45 mpaka kufikia asilimia 75.25 katika Halmashauri ya Mji wa Tunduma.