Divisheni ya Elimu ya Sekondari

TAARIFA YA DIVISHENI YA ELIMU SEKONDARI 

UTANGULIZI

 Halmashauri ya Mji Tunduma ina shule za Sekondari 19 kati ya hizo shule za serikali ni 14 na 5 zisizo za serikali. Tunaishukuru sana Serikali na wananchi kwa ujumla kwa ujenzi wa shule katika kipindi kifupi kwani mwaka 2016 kulikuwa na shule 6 tu za Sekondari na kati ya hizo 5 zilikuwa za serikali na Moja tu ya binafsi. Idadi ya Wanafunzi  ni 10,244 wavulana 4,735 wasichana 5,509.

2.0 UANDIKISHAJI WA KIDATO CHA KWANZA MWAKA 2022

Wanafunzi wote waliochaguliwa kuingia kidato cha kwanza mwaka 2022 katika Halmashauri ya Mji Tunduma walipata nafasi kwa asilimia mia moja.  Tunakushukuru sana  Serikali ikiongozwa na Mh,Rais wa Jamhuri ya Muungano wa Tanzania Mama Samia Suluhu Hassan pamoja na Wananchi kwa kushirikiana na Waheshimiwa Madiwani kujenga madarasa ya kutosha kwa kupitia programu ya UVIKO-19 kwa ajili ya mapokezi ya wanafunzi hawa. Takwimu za uandikishaji ni kama ifuatavyo:

Takwimu za Uadikishaji Kidato cha Kwanza 2022

3. MAHITAJI YA WALIMU

Kwa ujumla mahitaji ya walimu wa Sekondari ni 355 na waliopo ni 267  na upungufu ni 88. Upungufu mkubwa ni kwa masomo ya Sayansi na Hisabati kama jedwali lifuatalo linavyoonesha.

MAHITAJI YA WALIMU KIMASOMO

Tuna kila sababu ya kuishukuru Serikali kupitia ajira za Mwezi Julai 2022 ambapo Halmashauri ya Mji Tunduma tulipata walimu wa ajira mpya wapatao 33 na walioripoti ni 32 mwalimu mmoja hadi sasa hajaripoti ambaye ni wa masomo ya Sayansi na alipangiwa shule ya Sekondari Mpande. Ili kukabiliana na Upungufu tulionao Halmashauri imewaruhusu Wakuu wa Shule za Sekondari kuwapokea walimu wanaojitolea ili kupunguza uhaba wa walimu uliopo.

• HALI YA MIUNDOMBINU

Halmashauri kwa sasa haina upungufu wa vyumba vya madarasa hii ni baada ya Serikali kujenga madarasa mengi kupitia Mradi Na TCRP 5441. Kwa mara ya kwanza Halmashauri ina ziada ya vyumba vya madarasa tofauti na miaka iliyopita, hapa tuna kila sababu ya kumpongeza sana Mhe.Rais wa Jamhuri ya Muungano wa Tanzania Mama Samia Suluhu Hassan kwa kutupatia Fedha za kutosha kwa ajili ya ujenzi wa miundombinu ya Shule. Aidha, tunamshukuru Mh. Mbunge, Waheshimiwa Madiwani pamoja na Mkurugenzi na timu ya Wataalamu kwa kushirikiana na wananchi katika kusimamia kujenga miundombinu ya kutosha kama ifuatavyo:

4.1 MAPOKEZI YA FEDHA ZA MIRADI YA FEDHA ZA COVID – 19 

Mwezi Oktoba, 2021 Halmashauri ilipokea jumla ya Shilingi 1,040,000,000 kupitia mradi wa COVID 19 kwa ajili ya ujenzi wa vyumba vya madarasa 52 katika shule za Sekondari. Miradi yote ilikamilika kwa wakati tayari madarasa yanatumika.

4.2 MRADI WA SEQUIP 

Katika utekelezaji wa Programu ya Uboreshaji wa Elimu ya Sekondari (SEQUIP), Halmashauri imepokea fedha za ujenzi wa shule mbili ikiwemo shule ya Wasichana ya Mkoa ya Kitaifa inayojengwa kata ya Chiwezi Mtaa wa Namole. Shule hii imetengewa Tsh. 4,000,000,000/= na zimepokelewa Tsh. 3,000,000,000/=. Tayari mradi umeanza kutekelezwa. Shule ya pili ni Uwanjani Sekondari ambayo imepokea Tsh.470,000,000/= na kazi za ujenzi zinaendelea.

4.3 MAPOKEZI YA FEDHA ZA ELIMU BULE

Katika kipindi cha miaka mitatu, Halmashauri ya Mji Tunduma imepokea kiasi cha Tsh.1,078,513,317.11 kwa ajili ya uendeshaji wa Shule zote za Sekondari kwa kipindi cha miaka mitatu kama inavyoonesha katika jedwali lifuatalo:

5. HALI YA TAALUMA 

Kwa ujumla hali ya taaluma kwa Halmashauri imeendelea kuimarika mwaka hadi mwaka kwa viwango tofauti tangu mkoa ulipoanzishwa mwaka 2016. Matokeo yote ya mitihani ya Kitaifa kuanzia Upimaji wa kidato cha Pili, Mitihani ya Taifa kidato cha Nne na cha Sita yote yanaimarika mwaka hadi mwaka kama ifuatavyo:

Aidha, kwa mwaka 2021 ufaulu uliimarika zaidi hasa kwa kidato cha Nne na   Halmashauri ya Mji Tunduma ilishika nafasi ya 6 Kitaifa na imepata tuzo ya kuwa miongoni mwa Halmashauri zilizoongeza ufaulu mfululizo kwa miaka 03 kuanzia mwaka 2019, 2020 na 2021.

6. MIKAKATI YA KUINUA TAALUMA

• Halmashauri inasimamia mikakati ya Mkoa na Halmashauri ya kuinua taaluma Mkoana Songwe na Taifa kwa ujumla. Moja ya Mikakati mikubwa ni kufanya mitihani ya Pamoja kwa madarasa yote. Vidato vya mitihani vinafanya mitihani ya Utamilifu (mock) kimkoa lakini kidato cha Nne wamefanya Mtihani wa Kanda kwa Mikoa mitano ikiwemo Songwe, Njombe, Mbeya, Rukwa na Katavi. Katika matokeo ya mitihani hiyo Halmashauiya Mji Tunduma imeshika nafasi ya kwanza kwa Halmashauri zote za Mikoa hiyo mitano kwa ufaulu wa asilimia 98.3.

• Mkakati mwingine ni kutoa tuzo kwa shule, walimu na wanafunzi wanaofanya vizuri kwenye mitihani ya Kitaifa. Tunawapongeza Waheshimiwa Madiwani na Mkurugenzi pamoja na timu ya Wataalamu, kwa pamoja walitoa tuzo kwa walimu pamoja na wanafunzi waliofanya vizuri katika mitihani yao ya Kitaifa. Pia tunaishukuru Ofisi ya Mkuu wa Mkoa nayo imekua ikitoa tuzo na zawadi kwa shule zinazofanya vizuri hii inatoa hamasa kwa walimu na wanafunzi pia.

• Utoaji wa chakula cha mchana kwa wanafunzi pia ni mkakati endelevu pamoja na kufanya ufuatiliaji wa ufundishaji na ujifunzaji.