Huduma ya Maendeleo ya Jamii

Katika robo ya kwanza imeweza kuratibu wa Mfuko wa Maendeleo ya wanawake, vijana na watu wenye ulemavu kwa mujibu wa Sheria za uendeshaji Mamlaka za Serikali za Mitaa unaohusika na utengaji wa fedha kwa asilimia 10% zinazotokana na makusanyo ya mapato ya ndani pamoja na mwongozo wa usimamizi wa fedha za uendeshaji akaunti ya wanawake, vijana na watu wenye ulemavu. Mfuko huu ni wa mzunguko (revolving fund) kwa mujibu wa Sheria ya Fedha ya Serikali za Mitaa ya tarehe 30/06/2018 Sura 290, kanuni zilizotungwa chini ya kifungu 37A (4) na kutolewa katika tangazo la serikali na 286 la tarehe 5/4/2019 pamoja na marekebisho ya kanuni yaliyotolewa katika Tangazo la Serikali na 217 la tarehe 26/02/2021.  

Halmashauri ya Mji Tunduma imeendelea kuwawezesha wananchi kiuchumi kupitia utekelezaji wa agizo la Serikali la kutenga asilimia 10% ya mapato ya ndani kwa kila mwaka wa fedha kwa ajili ya kuwezesha vikundi vya wanawake (4%), vijana (4%) na watu wenye ulemavu (2%).

Na kwa mwaka wa Fedha 2022/2023 Halmashauri ya Mji Tunduma katika mipango na Bajeti imepanga kutoa mikopo kwa asilimia kama ifuatavyo:-

• 4% vikundi vya wanawake –TSh.309,179,200/=
• 4% vikundi vya vijana –TSh. 309,179,200/=
• 2% vikundi na watu wenye ulemavu - TSh.154,589,600/=

Mikopo kwa mwaka wa fedha 2022/2023 itatolewa kwa mujibu wa Melekezo ya kutumia Mfumo wa Kielekroniki unaotambulika kwa Jina la TPLMIS - Ten Percent Loan Management Information System uliowezeshwa katika ngazi za Mamlaka za Serikali za Mitaa ndiyo utakaotumika kwa ajili ya kuingiza taarifa mbalimbali zinazohusiana na 10%.

Mfumo huu ni maalum kwa ajili ya mikopo inayotolewa na Halmashauri ambayo itawezesha vikundi kuweza kuomba mikopo kwa kutumia link www.mikopohalmashauri.tamisemi.go.tz 

Faida za Mfumo wa mikopo ya 10% ya mapato:-

• Kuongeza uwazi wa uombaji, utoaji na urejeshwaji wa mikopo
• Kuongeza uwajibikaji
• Kuwa na usawa katika utoaji wa mikopo
• Kuongeza uadilifu katika kutoa huduma
• Kuwa na takwimu sahihi na kwa wakati

Halmashauri ya Mji Tunduma katika robo kwanza Jumla ya maombi 40 ya vikundi vya wanawake 27 na Vikundi vya Vijana 13 na watu wenye ulemavu 8 yaliweza kupokelewa na kufanyiwa uhakiki ikiwa ni pamoja na mapenekezo husika kuwasilishwa katika vikao vya kisheria kwa ajili ya kupata ridhaa. Halmashauri imeweza kutoa asilimia 10 ya mapato ya ndani Tsh. 300,000,000/= kwa mujibu wa kanuni na fedha hiyo itatolewa kwa kuzingatia asilimia kwa makundi imependekezwa kutolewa kwa mchanganuo ufuatao:-

4% - Vikundi vya Wanawake Tsh 120,000,000

4% - Vikundi vya Vijana        Tsh 120,000,000

2% - Watu wenye Ulemavu   Tsh   60,000,000

                    JUMLA               Tsh 300,000,000

Ikiwa ni pamoja na Fedha za marejesho (Revolving Fund) shilingi 254,400,000/= na kufanya Jumla ya Mikopo yenye thamani ya shilingi 554,400,000/= inatarajiwa kutolewa kwa vikundi.